𝐋𝐨𝐬𝐩𝐚𝐥𝐨𝐬, 𝐒𝐞𝐱𝐭𝐚-𝐟𝐞𝐢𝐫𝐚, 𝟐𝟎 𝐅𝐞𝐯𝐞𝐫𝐞𝐢𝐫𝐮 𝟐𝟎𝟐𝟔

𝐒𝐮𝐚 𝐄𝐬𝐞𝐥é𝐧𝐬𝐢𝐚, Prezidente Autoridade Munisipál Lautém nu’udar Prezidente Konsellu Koordenasaun Munisipál lidera reuniaun Konsellu Koordenasaun Munisipál ho membru sira hodi diskute kona-ba ajenda orden traballu hamutuk 3 mak hanesan Preparasaun Autoridade Munisipál nian iha ámbitu Vizitasaun ba 𝐒𝐮𝐚 𝐄𝐬𝐞𝐥é𝐧𝐬𝐢𝐚, Primeiru Ministru, Pronunsiu Rejime Kontratasaun Termu Sertu no Elaborasaun PIM 2027 no PDK 2026-2030 nian, sorumutu KKM ne’ebé hetan apoiu husi Ajensia PARTISIPA hala’o iha Salaun Administrasaun Autoridade Munisipál Lautém.

Iha intervensaun, 𝐒𝐮𝐚 𝐄𝐬𝐞𝐥é𝐧𝐬𝐢𝐚, Prezidente Autoridade Munisipál Lautém nu’udar Prezidente Konsellu Koordenasaun Munisipál 𝐒𝐫. 𝐌é𝐥𝐢𝐨 𝐝𝐞 𝐉𝐞𝐬𝐮𝐬 𝐒𝐇 hateten, Sorumutu Konsellu Koordenasaun Munisipál ida ne’e importante tebes, atu diskute ajenda sesaun orden traballu hamutuk tolu ne’ebé mak hanesan Preparasaun Autoridade Munisípiu iha ámbitu Vizitasaun ba 𝐒𝐮𝐚 𝐄𝐬𝐞𝐥é𝐧𝐬𝐢𝐚, Primeiru Ministru, Pronunsia Rejime Kontratasaun Termu Sertu ba funsionáriu kazuais sira no Elaborasaun PIM 2027 no PDK 2026-2030, ne’ebé elabora ba iha Planu Estratéjiku Dezenvolvimentu Munisípiu, hanesan giaun ida ba mata dalan Autoridade Munisípiu nian ba períodu tinan 5 nia laran bainhira hala’o dezenvolvimentu iha Munisípiu Lautém.

Iha biban ne’e Prezidente Konsellu Koordenasaun Munisipál afirma katak, meza fó sai ona ba membru KKM sira katak, KKM ida ne’e enkaixa kedas ba atividade vizitasaun 𝐒𝐮𝐚 𝐄𝐬𝐞𝐥é𝐧𝐬𝐢𝐚 Primeiru Ministru nian mai iha Munisípiu Lautém kona-ba preparasaun avaliasaun ba kondisaun mínimu.

Hafoin remata intervensaun, 𝐒𝐮𝐚 𝐄𝐬𝐞𝐥é𝐧𝐬𝐢𝐚, Prezidente Konsellu Koordenasaun Munisipál orienta ekipa tékniku sira aprezenta kedas oráriu ba preparasaun Vizita 𝐒𝐮𝐚 𝐄𝐬𝐞𝐥é𝐧𝐬𝐢𝐚 Primeiru Ministru (PM-RDTL) 𝐊𝐚𝐲 𝐑𝐚𝐥𝐚 𝐗𝐚𝐧𝐚𝐧𝐚 𝐆𝐮𝐬𝐦ã𝐨 mai iha Munisípiu Lautém, ne’ebé hetan aprovasaun ho membru KKM liu husi votasaun ho Votus A-Favor (44) Kontra (0) no Abstensaun (0).

Diskusaun ba Ajenda Orden Traballu kona-ba pronúnsia rejime kontratasaun termu sertu, nune’e Prezidente Konsellu Koordenasaun Munnisipál fó tempu ba Xefe Departamentu Rekursu Umanu hodi aprezenta kona-ba Dekretu Lei No.3/2026, 3 Fevereiru, Rejime Jurídiku Kontratu Traballu Termu Sertu iha Administrasaun Públika ba membru Konsellu Koordenasaun Munisipál sira, ne’ebé hetan aprovasaun iha membru KKM liu husi votasaun A-Favor (43) Kontra (0) no Abstensaun (0).

Kontinua diskusaun ba ajenda Elaborasaun PIM 2027 ne’ebé aprezenta husi Diretor Servisu Munisipál Planeamentu Integradu no Dezenvolvimentu kona-ba relatóriu progresu servisu ba elaborasaun Planu Investimentu Munisipál (PIM) 2027 nian. Aleinde ne’e mós Xefe Departamentu Apoiu ONG no Organizasaun Komunitaria aprezenta kona-ba Rezultadu Elaborasaun Planu Dezenvolvimentu Komunitária (PDK) PDK 2026-2030.

𝙍𝙚𝙢𝙖𝙩𝙖

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢