𝐋𝐨𝐬𝐩𝐚𝐥𝐨𝐬, 𝐊𝐮𝐚𝐫𝐭𝐚-𝐟𝐞𝐢𝐫𝐚, 𝟏𝟏 𝐌𝐚𝐫𝐬𝐮 𝟐𝟎𝟐𝟔

Agênsia de Dezenvolvimentu Nasional (ADN) Engineiru 𝐃𝐞𝐦𝐢𝐬𝐭𝐜𝐥𝐞𝐬 𝐃.𝐗.𝐅 𝐂𝐚𝐛𝐫𝐚𝐥 akompaña husi Tékniku ADN destakadu iha Munisípiu Lautém hala’o enkontru Koordenasaun ho Autoridade Munisipál Lautém liu husi reprezentante Prezidente Autoridade Munisipál Lautém, ho Diretor Servisu Munisipál Edukasaun no Xefe Departamentu Saude hodi koalia kona-ba programa atu halo melloramentu ba kondisaun infra-estrutura Saúde no Edukasaun nian nune’e futuru bele konstrui iha Munisípiu Lautém, sorumutu ne’e hala’o iha Sala VIP Administrasaun Autoridade Munisipál Lautém.

Iha intervensaun, reprezentante Prezidente Autoridade Munisipál Lautém, Sekretáriu Munisipál Planeamentu Investimentu no Dezenvolvimentu Integradu 𝐒𝐫. 𝐓𝐢𝐛𝐮𝐫𝐬𝐢𝐨 𝐝𝐨𝐬 𝐒𝐚𝐧𝐭𝐨𝐬 hateten ekipa ADN sira mai iha Administrasaun Autoridade Munisipál Lautém hodi halo sorumutu kona-ba infraestrutura báziku sira liuliu ba iha Setor Saude no Edukasaun, agora devér husi Autoridade Munisipál Lautém nian mak oinsá atu prepara dadus sira ne’e hodi identifika no prepara lista atu bele submete.

Reprezentante Prezidente Autoridade Munisipál subliña, antes atu submete dadus sira ne’e, tenke identifika uluk liuliu Saude no Edukasaun ne’ebé kategoria grave liu presiza atu hadi’a iha futuru.

Iha sorin seluk, Diretor Adjuntu Agênsia de Dezenvolvimentu Nasionál (ADN) Engineiru 𝐃𝐞𝐦𝐢𝐬𝐭𝐜𝐥𝐞𝐬 𝐃.𝐗.𝐅 𝐂𝐚𝐛𝐫𝐚𝐥 hatutan, enkontru ida ne’e, bazeia ba planu Governu Sentral nian, liuliu Sua Exelensia Primeiru Ministru ne’ebé mak iha tinan 2027 ba oin, hakarak fokus de’it ba iha dezenvolvimentu infraestrutura báziku sira liuliu ba iha área Saude no Edukasaun nian.

Tanba ida ne’e Ejineiru ne’e afirma katak, Sua Exelensia, Primeiru Ministru Orienta Sua Exelénsia Ministru Planeamentu Investimentu no Estratéjiku haruka ADN koordena ho Prezidente Autoridade Munisipal sira hotu liu husi Diresaun Servisu Munisipal Edukasaun no Saude hodi identifika fasilidade ne’ebé sei preokupasaun husi komunidade sira nian.

Ho ida ne’e liu husi enkontru ida ne’e hakarak atu koordena hamutuk ho Autoridade Munisípal, atu nune’e ekipa tékniku PDIM husi Munisípiu atu la’o hamutuk hodi identifika fasilidade sira ne’ebé maka presiza tau atensaun.

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢