𝐋𝐨𝐬𝐩𝐚𝐥𝐨𝐬, 𝐊𝐮𝐚𝐫𝐭𝐚-𝐟𝐞𝐢𝐫𝐚, 𝟐𝟓 𝐅𝐞𝐯𝐞𝐫𝐞𝐢𝐫𝐮 𝟐𝟎𝟐𝟔

Autoridade Munisipál Lautém, liu husi Diresaun Servisu Munisipál no Servisu Delegasaun Territorial sira hodi organiza Misa Agradesimentu atu selebra loron mahein São Calisto Caravário ba Administrasaun Autoridade Munisipál Lautém, misa agradesimentu ne’e prezide husi 𝐏𝐞. 𝐉𝐮𝐬𝐭𝐢𝐧𝐢𝐚𝐧𝐨 𝐝𝐞 𝐒𝐨𝐮𝐬𝐚 𝐒𝐃𝐁, iha Parókia São Paulo Lospalos.

Iha Homilia 𝐏𝐞. 𝐉𝐮𝐬𝐭𝐢𝐧𝐢𝐚𝐧𝐨 𝐝𝐞 𝐒𝐨𝐮𝐬𝐚 𝐒𝐃𝐁, hateten, São Calisto Caravário ne’ebé mahein ba Administrasaun Autoridade Munisipál Lautém, nune’e mós mahein ba kongregasaun salezianu, tanba São Calisto Caravário mai husi família ne’ebé simples, maibé riku ho fiar iha Maromak.

Tanba ida ne’e loron ne’ebé São Calisto Caravário atu mate sai martir iha Cina, kalan ne’e São Calisto Caravário hato’o kedas ninia mensajen ba ninia Ama dehan, aban ami sei sai hodi hala’o atividade apostuladu no kateguese ba sarani sira, nune’e São Calisto Caravário husu ninia Ama nafatin reza ba ami hodi hala’o ami nia atividade.

Entretantu São Calisto Caravário moris iha Courgné Italia, iha loron 8 Junu 1903 moris husi família simples no fiar na’in, tama Noviciadu iha Agostu 1918, iha loron 19 Setembru 1919 São Calisto Caravário halo primeira profissão relijioza nu’udar Salesiano no kontinua hala’o estudu Filosofia iha Valsalice.

Iha loron 20 Novembru 1924 seminarista Calisto iha Shanghai, ninia knaar iha ne’ebá mak tau matan ba eskola tékniku, orfonatu no hanorin kataquese ba labarik sira, husi Shanghai, Seminarista Calisto ba Macau hafoin mai Díli Timor-Leste iha loron 6 Abril 1927, iha loron 3 Abril 1929 fila ba China nia simu ordenasaun na’i lulik husi Mons Luis Vergsilia iha loron 18 Maiu 1929.

Calisto Caravário mate iha loron 25 Fevereiru 1930, no nia isin mate haloot iha Igreja São Jose nia sorin, iha 1976 Santo Pe. Paulo VI deklara nu’udar martirio no iha loron 15 Maiu 1983 Santo Pe. João Paulo II deklara nu’udar beato hafoin iha loron 1 Outobru 2000 deklara sai santo.

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢