𝐋𝐨𝐬𝐩𝐚𝐥𝐨𝐬, 𝐊𝐢𝐧𝐭𝐚-𝐟𝐞𝐢𝐫𝐚, 𝟏𝟐 𝐌𝐚𝐫𝐬𝐮 𝟐𝟎𝟐𝟔

Reprezentante Prezidente Autoridade Munisipál Lautém, Sekretáriu Munisipál Planeamentu Investimentu no Dezenvolvimentu Integradu 𝗦𝗿. 𝗧𝗶𝗯𝘂𝗿𝘀𝗶𝗼 𝗱𝗼𝘀 𝗦𝗮𝗻𝘁𝗼𝘀 partisipa serimónia despedida kona-ba termu entrega ba Komandante Polísia Nasionál Timor-Leste (PNTL) Munisípiu Lautém sesante 𝗝𝗼ã𝗼 𝗱𝗮 𝗖𝗼𝘀𝘁𝗮 no Komandante Polísia Nasionál Timor-Leste (PNTL) Munisípiu Lautém Atuál nomeadu 𝗖𝗮𝗹𝗶𝘀𝘁𝗼 𝗖𝗼𝗻𝘀𝗮𝗴𝗮, serimónia ne’e hala’o iha Sala PNTL Munisípiu Lautém.

Sekretáriu Munisipál Planeamentu Investimentu no Dezenvolvimentu Integradu 𝐒𝐫. 𝐓𝐢𝐛𝐮𝐫𝐬𝐢𝐨 𝐝𝐨𝐬 𝐒𝐚𝐧𝐭𝐨𝐬 hateten, Autoridade Munisipál Lautém agradese ba servisu sira hotu ne’ebé Komandante sesante hala’o hamutuk ho Autoridade Munisípiu Lautém bele la’o ho diak iha Munisípiu Lautém durante tinan rua ho balun tanba iha komunikasaun no koordenasaun iha Munisípiu Lautém ne’ebe diak.

Tanba ida ne’e maka reprezentante Prezidente Autoridade Munisipál Lautém esplika, sente triste oituan tanba komandante ne’ebé maka durante servisu hamutuk bele mud aba fatin seluk, maibe Komandante seluk mos mai fali, hodi bele servisu hamutuk nu’udar servidór do estadu.

Iha sorin seluk, Komandante Polísia Nasionál Timor-Leste (PNTL) Munisípiu Lautém sesante, 𝗝𝗼ã𝗼 𝗱𝗮 𝗖𝗼𝘀𝘁𝗮 hato’o agradese ba na’in ulun sira husi Autoridade Munisipál Lautém ho nia estrutura tomak, Diretor/a Servisu Munisipal no Diretor/a Delegasaun Teritorial sira ba entidade sira hotu ne’ebé maka durante mandatu bele servisu hamutuk hodi kria paz estabilidade iha Munisípiu Lautuém.

Komandante sesante ne’e mós mensiona, komandante ida tenke mai filafali, nune’e husu ba membru Polísia sira nafatin kolabora no kontribui apoiu no suporta atu nune’e Munisípiu Lautém avansa ba oin nafatin iha estabilidade, tanba dezenvolvimentu komesa mai daudauk ona.

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢