𝐋𝐨𝐬𝐩𝐚𝐥𝐨𝐬, 𝐒𝐞𝐠𝐮𝐧𝐝𝐚-𝐟𝐞𝐢𝐫𝐚, 𝟗 𝐌𝐚𝐫𝐬𝐮 𝟐𝟎𝟐𝟔

Profesór/a Bolsa Kandidatu destakadu mai iha Munisípiu Lautém hamutuk na’in 87 aprezenta an ba iha 𝐒𝐮𝐚 𝐄𝐱𝐞𝐥𝐞𝐧𝐬𝐢𝐚, Prezidente Autoridade Munisipál Lautém, antes atu tun ba iha kada eskola sira ne’ebé koloka ona ba iha Ensinu Báziku Central (EBC) hamutuk 15 iha Munisípiu Lautém, aprezenta an ne’e iha Salaun Administrasaun Autoridade Munisipál Lautém.

Iha intervensaun, 𝐒𝐮𝐚 𝐄𝐱𝐞𝐥𝐞𝐧𝐬𝐢𝐚, Prezidente Autoridade Munisipál Lautém 𝐒𝐫. 𝐌é𝐥𝐢𝐨 𝐝𝐞 𝐉𝐞𝐬𝐮𝐬 𝐒𝐇 hato’o parabeniza ba bolsa kandidatu sira ne’ebé nu’udar Profesór/a foun no dezeju ba susesu no karreira profisionál, nune’e husu ba bolsa kandidatu sira hanorin estudante sira hatudu profisaun hodi hanorin estudante sira ho kualidade, tanba futuru estudante sira mak sei lidera nasaun espesiál iha Munisípiu Lautém.

Primeiru homen iha Munisípiu Lautém salienta tan, Professor/a sira hamutuk na’in 87 nu’udar funsionáriu públiku, ne’ebé Lei regula ona, tanba durante teste ba bolsu kandidatu no antes sai koloka ba funsionáriu públiku ba profesór/a ne’ebé presiza hatene Lei ba funsaun públiku nian.

Tanba ne’e, 𝐒𝐮𝐚 𝐄𝐱𝐞𝐥𝐞𝐧𝐬𝐢𝐚, Prezidente Autoridade afirma, bainhira nasaun no Munisípiu Lautém atu ba oin, presiza Professor/a sira nia hanorin, tanba Professor/a, sira mak sei prodús rekursu ne’ebé kualifikadu ba iha prosesu dezenvolvimentu iha área edukasaun.

Prezidente Autoridade Munisipál Lautém tau fiar nafatin ba Professor/a sira atu fó apoiu ba iha Autoridade Munisípiu Lautém, tanba futuru estudante sira nia matenek mak sei tranzmite iha área Edukasaun ne’ebé ho kualidade, tanba estudante sira nia esperansa mak atu lori nasaun ne’e ba iha futuru espesiál iha Munisípiu Lautém.

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢