𝐓𝐮𝐭𝐮𝐚𝐥𝐚, 𝐓𝐞𝐫𝐬𝐚-𝐟𝐞𝐢𝐫𝐚, 𝟕 𝐀𝐛𝐫𝐢𝐥 𝟐𝟎𝟐𝟔

Sekretáriu Estadu Arte no Kultura (SEAK) ne’ebé servisu hamutuk ho Autoridade Munisipál Lautém, liu husi Komisaun Orgnizadora organiza atividade Festival Meci tinan 2026 ne’ebé hala’o iha Tasi Ibun Valu-Sere.

Serimónia Festival kolleita Meci hanesan inisiativa husi Komunidade hamutuk ho Autoridade sira ne’ebé hetan kontribuisaun husi Sekretáriu Estadu Arte no Kultura hodi promove no valoriza Ritu Cultural sira hanesan Koileta Meci ne’ebé kada tinan Munisípiu Lautém hala’o.

Iha intervensaun, 𝐒𝐮𝐚 𝐄𝐱𝐬𝐞𝐥é𝐧𝐬𝐢𝐚, Prezidente Autoridade Munisipál Lautém 𝐒𝐫. 𝐌é𝐥𝐢𝐨 𝐝𝐞 𝐉𝐞𝐬𝐮𝐬 𝐒𝐇 agradese ba partisipasaun sira hotu husi membru Parlamentu Nasional distintu Deputadu sr. Albino da Silva no membru Governu sira hanesan Sekretáriu Estadu Arte no Kultura (SEAK) Sekretáriu Estadu Peska (SEP), Sekretáriu Estadu Koorperativa (SEKoop) no Sekretáriu Estadu Floresta (SEF) ne’ebé partisipa atividade Festival Meci 2026 nian hodi fó motivasaun ba komunidade sira iha Munisípiu Lautém atu bele tau konsiderasaun ba Ritu Kultural ba koileta Meci hanesan parte ida importante ba iha Sosiedade sira liuliu iha Area Tasi Ibun sira.

Tanba ida ne’e Governu lokál komesa iha hanoin oinsá halo koordenasaun parte relevante, tanba atividade Meci la’os atividade tradisaun baibain, maibé atividade ida ne’e nu’udar tradisaun ida ne’ebé úniku, ne’ebé iha de’it Munisípiu Lautém pertense iha Postu Administrativu Lore, Lautém no Tutuala

Iha intervensaun 𝐒𝐮𝐚 𝐄𝐱𝐬𝐞𝐥é𝐧𝐬𝐢𝐚, Sekretáriu Estadu Arte no Kultura (SEAK) Sr. 𝐒𝐫. 𝐉𝐨𝐫𝐠𝐞 𝐒𝐨𝐚𝐫𝐞𝐬 𝐂𝐫𝐢𝐬𝐭𝐨𝐯ã𝐨 hatete katak, atu prezerva no konserva identidade kulturál ida ne’e, presiza ita hotu nia kontribuisaun, tanba bainhira ko’alia kona-ba promosaun presiza iha inisiativa husi komponete hotu hotu hodi halo mós prezervasaun ne’ebé kuidadu nune’e bele fó valór ba sustentabilidade.

Governante ne’e subliña, atu promove presiza ita hotu nia servisu hamutuk oinsá bele buka dalan hodi kria kondisaun, atu nune’e bele atrai vizitante sira bainhira kolleita Meci iha tinan oin.

Sekretáriu Estadu Arte no Kultura (SEAK) 𝐒𝐫. 𝐉𝐨𝐫𝐠𝐞 𝐒𝐨𝐚𝐫𝐞𝐬 𝐂𝐫𝐢𝐬𝐭𝐨𝐯ã𝐨 apresia ba lia na’in sira, ne’ebé kontinua promove identidade kulturál iha selebrasaun serimónia foti Meci nian, tanba úniku Munisípiu Lautém mak maka kada tinan selebra Kolleita Meci.

Depois kolleita Meci iha tasi ibun Valu-Sere, Grupu ida organiza atividade dansa Kultural Meci ne’ebé hanaran 𝐓𝐎𝐓𝐈𝐄𝐋𝐄” ne’ebé uluk kedas bei’ala sira nia identidade bainhira foti Meci.

𝙈𝙚𝙙𝙞𝙖 𝙋𝘼𝙈-𝙇𝙖𝙪𝙩é𝙢