𝐋𝐨𝐬𝐩𝐚𝐥𝐨𝐬, 𝐒𝐞𝐱𝐭𝐚-𝐟𝐞𝐢𝐫𝐚, 𝟏𝟎 𝐀𝐛𝐫𝐢𝐥 𝟐𝟎𝟐𝟔

Autoridade Munisípiu Lautém hamutuk ho funsionariu sira ho matan wen simu maktoban 𝗦𝗿. 𝗜𝗹𝗮𝗿𝗶𝗼 𝗥𝘂𝗶 𝗠𝗮𝗻𝘂𝗲𝗹 ne’ebé vizita ikus nian ba Autoridade Munisípiu Lautém ho oras 2.00 otl matrugada iha edifisiu Autoridade Munisipál Lautém.

Iha loron tristesa ne’ebé hafalun ho matanwen, fuan todan, funsionáriu sira hotu halibur hamutuk iha Administrasaun Autoridade Munisipál Lautém hodi simu hikas aman, maun, alin no kolega maktoban 𝗦𝗿. 𝗜𝗹𝗮𝗿𝗶𝗼 𝗥𝘂𝗶 𝗠𝗮𝗻𝘂𝗲𝗹, ne’ebé translada husi Hospital Nasional Guido Valdares, mai iha Administrasaun Autoridade Munisípiu Lautém nune’e funsionáriu sira hodi fó presta homenagem ikus no sentidu kondolensia profunda klean ba maktoban 𝗦𝗿. 𝗜𝗹𝗮𝗿𝗶𝗼 𝗥𝘂𝗶 𝗠𝗮𝗻𝘂𝗲𝗹 ho família, tamba maktoban 𝗦𝗿. 𝗜𝗹𝗮𝗿𝗶𝗼 𝗥𝘂𝗶 𝗠𝗮𝗻𝘂𝗲𝗹 durante tinan barak dedika an servisu iha Administrasaun Autoridade Munisipál Lautém.

Maktoban la’ós de’it kolega servisu iha Autoridade Munisipál Lautém, maibé maktoban mós sai nu’udar família no parseiru ne’ebé diak no dedika an hodi serví komunidade sira iha Munisípiu Lautém, tamba maktoban ninia kontribuisaun, hamnasa, no espíritu servisu nian sei hela nu’udar memória ba iha funsionáriu sira nia fuan.

Reprezentante família bot iha

Autoridade Munisipál Lautém, Sekretáriu Munisipál Administrasaun no Finansas 𝗦𝗿. 𝗭𝗲𝗳𝗲𝗿𝗶𝗻𝗼 𝗱𝗼𝘀 𝗦𝗮𝗻𝘁𝗼𝘀 𝗦𝗲𝗾𝘂𝗲𝗶𝗿𝗮 ho triste no matan wen hato’o sentidu kondolensia profunda klean ba maktoban 𝗦𝗿. 𝗜𝗹𝗮𝗿𝗶𝗼 𝗥𝘂𝗶 𝗠𝗮𝗻𝘂𝗲𝗹 no família sira.

Sekretáriu Munisipál Administrasaun no Finansas afirma, funsionáriu sira iha Administrasaun Autoridade Munisípiu Lautém konsidera lakon rekursu diak ida ne’ebé durante nu’udar funsionariu ne’ebé kontribuisaun makas iha Administrasaun Autoridade Munisípiu Lautém desde tempu UNTAET maktoban funsionáriu destakadu dahuluk mai iha Administrasaun Autoridade Munisípiu Lautém, nune’e maktoban ninia memória no hahalok sai hanesan memória Instituisionál iha Autoridade Munisípiu Lautém.

Entretantu durante maktoban sei moris asume kargu rua hahu iha tinan 2016 maktoban asume kargu nu’udar Diretor Servisu Munisipál Administrasaun no Finansas, iha tinan 2021 muda fali maktoban asume kargu nu’udar Xefe Departamentu too husik hela mundu, maktoban hakotu ninia perigrinasaun iha mundu iha loron 10 Abril 2026 iha Hospital Nasional Guido Valdares (HNGV).

𝙈𝙚𝙙𝙞𝙖 𝙋𝘼𝙈-𝙇𝙖𝙪𝙩é𝙢