Lospalos, Kinta-feira, 16 Abril 2026

Autoridade Munisipál Lautém hamutuk ho funsionáriu sira ho matan wen simu maktoban Sr. Felix Marçal Pires, ne’ebé translada husi Hospital Nasionál Guido Valdares (HNGV) mai iha Administrasaun Autoridade Munisipál Lautém ho oras 8:15 kalan hanesan vizita ikus nian, iha vizita ikus ne’e funsionáriu sira atu fó sentidu kondolénsia profunda ikus ba maktoban Felix Marçal Pires iha Administrasaun Autoridade Munisipál Lautém.

Iha loron tristeza ida ne’ebé hafalun nafatin ho matan wen, fuan todan, funsionáriu sira hotu ne’ebé halibur hamutuk iha Administrasaun Autoridade Munisipál Lautém hodi simu hikas aman, maun, alin no kolega maktoban Sr. Felix Marçal Pires, ne’ebé fila hikas ona ba Maromak nia kadunan Santos iha Hospital Nasionál Guido Valdares atu translada mai iha Administrasaun Autoridade Munisípiu Lautém nune’e funsionáriu sira hodi fó presta homenagem ikus no sentidu kondolénsia profunda kle’an ba maktoban Sr. Felix Marçal Pires ho família, tanba maktoban Sr. Felix Marçal Pires durante servisu iha Administrasaun Autoridade Munisipál Lautém.

Reprezentante família boot iha Autoridade Munisipál Lautém, Sekretáriu Munisipál Administrasaun no Finansas Sr. Zeferino dos Santos Sequeira ho laran triste hato’o Sentido Kondolensia Profunda kle’an ba família maktoban Felix Marçal Pires.

Sekretáriu Munisipál afirma, loron no kalan ikus nian ba maktoban Sr. Felix Marçal Pires nia vizita ikus mai iha Administrasaun Autoridade Munisipál Lautém ne’ebé durante tinan barak servisu hamutuk ho funsionáriu sira hodi fó atendimentu ba komunidade sira espesiál komunidade sira iha Munisípiu Lautém.

Maktoban Sr. Felix Marçal Pires nu’udar tékniku profisionál ida ne’ebé hahú servisu iha Programa Dezenvolvimentu Lokál (PDL) no Planu Dezenvolvimentu Integradu Munisipál (PDIM), tanba ne’e Autoridade Munisípiu Lautém rekoñese maktoban ninia obra barak hala’o ona iha Munisípiu Lautém, liuliu obra sira ne’ebé maktoban dezeña, hanesan motivasaun ba funsionáriu sira hotu no maktoban ninia karreira profisionál no atividade ne’ebé durante halo iha Autoridade sai hanesan memória instituisionál iha Autoridade Munisípiu Lautém.

Média PAM-Lautém