𝐋𝐨𝐬𝐩𝐚𝐥𝐨𝐬, 𝐒𝐞𝐱𝐭𝐚-𝐟𝐞𝐢𝐫𝐚, 𝟖 𝐌𝐚𝐢𝐮 𝟐𝟎𝟐𝟔

𝐒𝐮𝐚 𝐄𝐬𝐞𝐥é𝐧𝐬𝐢𝐚, Prezidente Autoridade Munisipál Lautém 𝐒𝐫. 𝐌é𝐥𝐢𝐨 𝐝𝐞 𝐉𝐞𝐬𝐮𝐬 𝐒𝐇, Diretora Nasionál Servisu Cadastro (DNSC) 𝐒𝐫𝐚. 𝐙𝐞𝐧𝐨𝐯𝐞𝐯𝐚 𝐗𝐚𝐯𝐢𝐞𝐫 𝐂𝐨𝐫𝐫𝐞𝐢𝐫𝐚 hamutuk ho reprezentante Komandante Polísia Nasionál Timor-Leste (PNTL) Munisípiu Lautém, fahe sertifikadu Títulu na’in ba rai hamutuk na’in 30 iha Aldeia Tcauluturo, Suku Fuiloro, Postu Lospalos, Munisípiu Lautém.

Distribuisaun sertifikadu na’in ba rai komprimisiu husi Nonu Governu Konstituisional liu husi Ministeriu da Justisa atu asegura komunidade sira nia diretu hanesan na’in ba rai ne’ebé primeira vez akontese iha Munisípiu Lautém, nune’e orgullu no agradese ba Nonu Governu Konstituisionál liu husi Ministériu da Justisa ne’ebé aselera prosesu sertifikadu ida ne’e atu nune’e na’in ba rai bele utiliza sertifikadu bazeia ba sira nia rai ne’ebé maka iha, nune’e mós hili Aldeia Tcauluturo totál parsela ne’ebé atu avansa ba sertifikadu hamutuk 50, maibé 20 mak la pasa husi 20 ne’e, 18 dokumentu la kompletu no na’in rua mak disputa baliza.

Iha intervensaun, 𝐒𝐮𝐚 𝐄𝐬𝐞𝐥é𝐧𝐬𝐢𝐚 Prezidente Autoridade Munisipal Lautem 𝐒𝐫. 𝐌é𝐥𝐢𝐨 𝐝𝐞 𝐉𝐞𝐬𝐮𝐬 𝐒𝐇, hateten, ita hotu mai halibur iha fatin ida ne’e hodi simu sertifikadu rai no títulu na’in ba rai nian ne’ebé Ministeriu Justisa prodús.

Prezidente Autoridade mensiona problema rai ne’ebé akontese iha sosiedade nia leet no balun lakon vida, tanba ida ne’e atu evita problema sosial sira ne’e Nonu Governu Konstituisional liu husi Ministeiru Justisa loke projetu sistema Nasional Cadastru hodi halo levantamentu dadus ba rai nian, nune’e Ministeriu Justisa produs Sertifikadu nu’udar legalidade ida ba komunidade sira.

Iha fatin hanesan, Diretora Nasionál Servisu Cadastro (DNSC) 𝐒𝐫𝐚. 𝐙𝐞𝐧𝐨𝐯𝐞𝐯𝐚 𝐗𝐚𝐯𝐢𝐞𝐫 𝐂𝐨𝐫𝐫𝐞𝐢𝐫𝐚 hatutan, mai iha fatin ida ne’e atu distribui sertifikadu ba diretu de propriedade, sertifikadu do diretu de propriedade ne’e sertifikadu ba ita-nia diretu na’in ba rai.

Diretóra ne’e salienta, tinan barak nia laran prosesu sira ne’e la akontese, maibé mandatu Nonu Governu Konstituisional nian bele fahe sertifikadu ba komunidade sira hamutuk 30 iha Tcahuuluturo hetan sertifikadu títulu na’in ba rai, tanba iha Lei No.13/2017 ba rejime espesiál atu define komunidade ne’ebé maka bele sai na’in ba rai no iha Dekretu Lei no. 65 ne’ebé fó matadalan ba tékniku sira mai halo levantamentu cadastral atu bele hasai dokumentu sira ne’e.

Iha Lei no.13/2017 no dekretu Lei 65/2022 ne’e ko’alia kona-ba métodu oinsá atu hasai sertifikadu ida ne’e, ita hasai sertifikadu ida ne’e liu husi dalan rua, primeiru mak sistemátiku no dalan rua mak esporádiku.

𝙈𝙚𝙙𝙞𝙖 𝙋𝘼𝙈-𝙇𝙖𝙪𝙩𝙚𝙢