𝐋𝐨𝐬𝐩𝐚𝐥𝐨𝐬, 𝐒𝐞𝐠𝐮𝐧𝐝𝐚-𝐟𝐞𝐢𝐫𝐚, 𝟖 𝐉𝐮𝐧𝐮 𝟐𝟎𝟐𝟔

Atividade feira no palku muzikál ba kalan ikus nian, Exelensia Prezidente Autoridade Munisipál Lautém lori Autoridade Munisipál Lautém nia naran apresia tebes ba Povu Munisípiu Lautém, ne’ebé hatudu duni responsabilidade, disiplina, pasiénsia no vontade hodi selebra loron nasionál tasi no loron mundiál tasi ho tema “𝙃𝘼’𝙐 𝙉𝙄𝘼 𝙏𝘼𝙎𝙄, 𝙃𝘼’𝙐 𝙉𝙄𝘼 𝙏𝙄𝙈𝙊𝙍”, durante semana ida tomak iha Munisípiu Lautém ho susesu.

Iha enseramentu ba kalan konsertu no feira Munisipál, Presidente Autoridade Munisipál Lautém 𝐒𝐫. 𝐌é𝐥𝐢𝐨 𝐝𝐞 𝐉𝐞𝐬𝐮𝐬 𝐒𝐇 lori Autoridade Munisipál Lautém nia naran hakarak hato’o agradese wain espesiál ba joven no mós komunidade sira iha iha Munisípiu Lautém liuliu komunidade sira iha Postu Administrativu Lospalos Vila nian ne’ebé kalan kalan hola parte iha feira nian la kria konflitu ruma to’o atividade selebrasaun ne’e remata.

Iha biban ne’e mós Prezidente Autoridade Munisipál Lautém esplika, atividade selebrasaun loron nasionál Tasi 5 Junu no loron mundiál Tasi 8 Junu 2026, hahú ho atividade abertura feira iha loron 30 Maiu 2026 hodi selebra loron nasionál tasi no loron mundiál tasi nian iha Munisípiu Lautém.

Durante atividade ne’e la’o komunidade sira iha Munisípiu Lautém antuziasmu tebes hodi partisipa atividade loron nasionál tasi no loron mundiál tasi nian, ne’ebé hatudu duni responsabilidade tomak, disiplina, pasiénsia no vontade hodi selebra loron nasionál tasi no loron mundiál tasi nian durante semana ida tomak ho atividade oioin iha Munisípiu Lautém.

Responsavel Munisípiu Lautém mós fó apresiasaun ba Komandu Polísia Nasionál Timor-Leste (PNTL) Munisípiu Lautém ho nia membru sira hotu hamutuk ho seguransa civil ne’ebé servisu hamutuk ho Autoridade Munisipál bele asegura seguransa estabilidade iha Munisípiu Lautém durante atividade ne’e la’o no susesu.

Aleinde ne’e mós fó apresiasaun ba Administrador Postu Administrativu sira hamutuk ho lider Komunitaria iha Munisípiu Lautém ne’ebé selebra loron nasionál iha kada Postu Administrativu sira ne’ebé organiza komunidade sira estudante hodi partisipa atividade limpeza iha tasi-ibun. Nune’e mós apresiasaun ba Komisaun Organizadora ne’ebé envolve husi Diretor/a Servisu Munisipál, Diretor/a Delegasaun Teritorial ne’ebé ho sakrifísiu tomak vontade durante semana ida nia laran Autoridade Munisípiu hala’o eventu boot ba selebrasaun loron nasionál tasi nian.

Atividade selebrasaun loron nasionál tasi no loron mundiál tasi iha Munisípiu Lautém hetan asisténsia tékniku no fó apoiu finanseiru, husi Ministériu Petroleo no Rekursu Minerais hodi bele komemora loron nasionál tasi no loron mundiál tasi iha Munisípiu Lautém.

Nune’e mós Ministériu Turismu no Ambiente ne’ebé apoiu ba atividade sertame no pintura, autoridade Munisipál Lautém agradese tebes ba apoiu no partisipasaun ba loron nasionál tais no loron mundiál tasi iha Munisípiu Lautém.

Antes enseramentu ba atividade loron nasionál tasi no loron mundiál tasi, Autoridade Munisipál Lautém distribui sertifikadu ba manán na’in sira ba atividade sira hanesan, Sertame, Dansa Kultural, Karavana, Diskursu públiku, Pintura, dada tali no halai karoon ne’ebé enkaiza hotu iha atividade selebrasaun loron nasionál tasi no loron mundiál tasi iha Munisípiu Lautém.

Atividade loron nasionál tasi no loron mundiál tasi durante la’o ho semana ida nia laran iha Munisípiu Lautém ne’ebé ho atividade oioin ne’ebé partisipasaun másimu husi komunidade sira espesiál ba estudante sira hahú husi Eskola Pre-Eskolar to’o Eskola Sekundária Jerál sira iha Munisípiu Lautém.

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢