𝐋𝐨𝐬𝐩𝐚𝐥𝐨𝐬, 𝐊𝐮𝐚𝐫𝐭𝐚-𝐟𝐞𝐢𝐫𝐚, 𝟏𝟕 𝐉𝐮ñ𝐮 𝟐𝟎𝟐𝟔

𝐄𝐱𝐞𝐥é𝐧𝐬𝐢𝐚, Prezidente Autoridade Munisipál Lautém nu’udar Prezidente Konsellu Koordenasaun Munisipál KKM) konvoka enkontru ho membru Konsellu Koordenasaun Munisipál kona-ba Enkuadramentu foun no Planu Mediu Prazu (PMP) 2027-2030, nune’e enkontru ida ne’e oinsá membru Konsellu Koordenasaun Munisipál bele hatene didi’ak kona-ba enkuadramentu foun ba prosesu elaborasaun orsamentu 2027, enkontru ida ne’e hala’o iha Salaun Administrasaun Autoridade Munisipál Lautém.

Antes tama ba diskusaun, iha intervensaun 𝐄𝐱𝐞𝐥é𝐧𝐬𝐢𝐚 Prezidente Autoridade Munisipál Lautém nu’udar Prezidente Konsellu Koordenasaun Munisipal 𝐒𝐫 𝐌é𝐥𝐢𝐨 𝐝𝐞 𝐉𝐞𝐬𝐮𝐬 𝐒𝐇 hateten pontus importante sira ne’ebe rezultadu reuniaun iha Jornada Orsamentu Jerál Estadu 2027.

Responsavel Munisípiu Lautém dehan, enkontru Konsellu Koordenasaun Munisipál foku liu ba iha enkuadramentu foun ba Planu Mediu Prazu 2027-2030, relasiona ho Orsamentu Jeral Estadu 2027 nian ne’ebé Autoridade Munisípiu Lautém partisipa reuniaun jornada orsamentu, nu enkuantu matéria sira ne’ebé Autoridade Munisípiu Lautém hetan iha mudansa planu orsamentu 2027, tanba ida ne’e Autoridade Munisipál Lautém konvoka fali reuniaun Konsellu Koordenasaun Munisipál hodi esplika filafali nune’e membru sira bele atende kona-ba enkuadramentu foun ba prosesu orsamentu 2027.

Nia dehan, mudansa mekanizmu enkuadramentu ne’ebé ho razaun finalidade husi mudansa mekanizmu enkuadramentu orsamentu foun, prioridade polítika Governu iha 9 ne’ebé aprova ona liu husi reuniaun Konsellu Ministru (KM), ajustamentu Planu Asaun Annual 2027 ne’ebé sei tuir template padronizadu no Sua Exelénsia Primeiru Ministru (PM) haruka ona konvite ba linas Ministeriu inklui Administrasaun Autoridade Munisipál sei hein de’it Orientasaun husi Ministériu Administrasaun Estatal (MAE).

Prezidente Konsellu Koordenasaun Munisipál ne’e afirma liu tan, prioritizasaun nasionál mai iha pontu 9, primeiru ko’alia kona-ba diversifikasaun ekonómia liuliu iha setór 4 mak hanesan dezenvolvimentu infraestrutura hanesan Estrada, ponte, Agrikultura, Formasaun no Governasaun.

Tanba ida ne’e, reuniaun Konsellu Koordenasaun Munisipál foku liu ba asuntu Estrada no Ponte sai prioridade dahuluk, tanba dadus ne’ebé hatudu iha atividade Konsultasaun Sidadania 75% husi Estrada Munisilípiu Lautém ne’ebé ho kondisaun ida aat, nune’e Autoridade Munisipál Lautém lori ona ba iha Ministériu Finansas sai Planu Nasionál 2027.

Enkuantu membru sira ne’ebé envolve iha Konsellu Koordenasaun Munisipál mak mai husi Diretor/a Servisu Munisipál, Diretor/a Delegasaun Teritorial, Administrador Postu Administrativu 6 iha Munisípiu Lautém no Xefe Suku ne’ebé reprezenta kada Postu Administrativu 6 iha Munisípiu Lautém.

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢