𝐋𝐨𝐬𝐩𝐚𝐥𝐨𝐬, 𝐊𝐮𝐚𝐫𝐭𝐚-𝐟𝐞𝐢𝐫𝐚, 𝟏𝟎 𝐉𝐮ñ𝐮 𝟐𝟎𝟐𝟔

𝐄𝐱𝐞𝐥é𝐧𝐬𝐢𝐚 Prezidente Autoridade Munispál Lautém 𝐒𝐫. 𝐌é𝐥𝐢𝐨 𝐝𝐞 𝐉𝐞𝐬𝐮𝐬 𝐒𝐇 akompaña ho Diretor Servisu Munisipál Finansas, Diretor Servisu Munisipál Saúde, Diretora Servisu Munisipál Asaun Sosial, Diretora Delegasaun Territorial Sentru Solidariedade Sosial, Xefe Departamentu SNAEM, Koordenador Institutu Nasionál Siguransa Social INSS, Pontu Fokal SEI Munisípiu Lautém, Komandante Vulnerable Person Unit (VPU) no Konsellu Munisipál Kombatente Libertasaun Nasionál Munisípiu Lautém, hala’o audiénsia públika ho Komisaun F Parlamentu Nasionál ne’ebé trata asuntu Saúde, Seguransa Sosiál no Igualdade Jeneru ne’ebé lidera husi Prezidente Komisaun F distinta deputada 𝐒𝐫𝐚. 𝐌𝐚𝐫𝐢𝐚 𝐆𝐨𝐫𝐮𝐦𝐚𝐥𝐢 𝐁𝐚𝐫𝐞𝐭𝐨 iha Munisípiu Lautém, audiénsia ne’e hala’o iha Salaun VIP, Administrasaun Autoridade Munisipál Lautém.

Atividade enkontru ne’e la’o, 𝐄𝐱𝐞𝐥é𝐧𝐬𝐢𝐚 Prezidente Autoridade Munisipál Lautém, fo tempu uluk ba kada Servisu Munisipál no Delegasaun Territorial, no Vulnerable Person Unit (VPU), reprezentante Konsellu Munisipál Kombatantetes Libertasaun Nasionál (KMKLN) Munisípiu Lautém hodi relata progresu servisu ne’ebé durante ne’e hala’o.

Iha intervensaun 𝐄𝐱𝐞𝐥é𝐧𝐬𝐢𝐚 Prezidente Komisaun F Parlamentu Nasionál distinta Deputada 𝐝𝐞𝐩𝐮𝐭𝐚𝐝𝐚 𝐒𝐫𝐚. 𝐌𝐚𝐫𝐢𝐚 𝐆𝐨𝐫𝐮𝐦𝐚𝐥𝐢 𝐁𝐚𝐫𝐞𝐭𝐨 hateten Komisoens Espesializada Permanente Parlamentu Nasionál mai iha Munisípiu Lautém hodi hala’o atividade fiskalizasaun ba iha setór sira ne’ebé kabe ba iha Komisaun Saúde, Seguransa Sosial no Igualdade Jeneru iha Parlamentu Nasionál.

Prezidente Komisaun F ne’e akresenta liu tan, fiskalizasaun ida ne’e hodi haree no rona lala’ok implementasaun orsamentu ne’ebé Governu Sentral koloka mai iha área Saúde, Seguransa Sosial, Igualdade Jeneru no Veterano/a sira iha Munisípiu Lautém.

Iha fatin hanesan 𝐄𝐱𝐞𝐥é𝐧𝐬𝐢𝐚 Prezidente Autoridade Munisipál Lautém 𝐒𝐫. 𝐌é𝐥𝐢𝐨 𝐝𝐞 𝐉𝐞𝐬𝐮𝐬 𝐒𝐇 hato’o agradesimentu wain ba Komisaun F ne’ebé hala’o atividade Fiskalizasaun iha área Saúde, Seguransa Sosial no Igualdade Jeneru, ne’ebé hahú hala’o atividade fiskalizasaun iha Laivai, Daudere no Postu Saúde Lautem nian.

Nu’udar ezekutivu ba Governu lokál nia papél mak atu fornese dadus ba lejislador nian liuliu iha Parlamentu Nasionál, oinsá progresu servisu hotu iha Munisípiu Lautém ne’ebé kabe ba Komisaun F nia área sira hanesan área Saúde, Seguransa Sosial no Igualdade Jeneru nian servisu.

Enkuantu durante iha diskusaun, maibe preokupasaun husi Komisaun F nian relasiona ho Saúde kona-ba fasilidade sira nian, Asuntu Sosial kona-ba dadus sira vulneravel sira, Veterano kona-ba dadus Veterano sira nian, SNAEM kona-ba ambulansia no sira seluk ne’ebé relevante ba Komisaun F nian, diskusaun ne’e la’o mosu perguntas barak husi membru komisaun F hodi kada Servisu Munisipál atu responde ho por eskrita

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢