𝐓𝐮𝐭𝐮𝐚𝐥𝐚, 𝐃𝐨𝐦𝐢𝐧𝐠𝐮, 𝟖 𝐉𝐮ñ𝐮 𝟐𝟎𝟐𝟓

Sua. Eselénsia, Prezidente Autoridade Munisipál Lautém, hamutuk Konvidade husi Nasional Distintu Deputadu Sr. Albino da Silva, Maijór Jenerál João Miranda “Aluc Descartes “, Sekretário Estados Florestas, Inspetue Geral husi Ministériu Petroleo Rekursus Minerais, Diretor Jerál Sekretáriu Estadu Arte no Kultura, Prezidente Câmara Comérsiu Industria Timor-Leste (CCITL) Munisípiu Lautém, Segundu Komandante PNTl Munisipio Lautem, Reprezentante Comodoro Komponente Navál Maijór Vidigal, Assosiasi Perjalanan Wisata Indonesia nian ne’ebé mai husi Kupang, Administrador Postu 6 iha Munisípiu Lautém, entidade sira hotu Veterano/a, família Martires da Patria, Xefe Suku, Xefe Aldeia, funsionáriu sira hotu liuliu Komunidade sira iha Munisípiu Lautém liuliu iha Postu Administrativu Tutuala, hala’o ona selebrasaun Loron Semana Mundiál Oseanio nian, ho atividade Karavana no Turísmu Marítima Akompañia ho Bero husi Postu Tutuala nian, ne’ebé hala’o iha Tasi Illa Jaco nian.

Serimónia Loron Semana Mundiál Oseanu ba dala ikus nian ne’ebé Komisaun Organizadora hahú hala’o ho Misa Agradesimentu, ne’ebé dirije husi Amo Próprio Kuaze Paróquia Mehara, João Zerónimo hala’o iha Kapela São José Suku Tutuala, bainhira misa remata kontinua Karavana hahú iha Aldeia Tcai-Loro ba Pouzada Tutuala kontinua hala’o konvoi ba Valu-Sere, ne’ebe komunidade sira iha Suku Tutuala Antuziasmu tebés hamrik iha estrada ninin hodi haree, konvio Karavana ne’e la’o to’o iha Valu-Sere, funsionáriu sira ho komunidade sira balun mós hamrik iha estrada ninin ho antuziasmu tebes ho basa liman, kontinua Konvoiu Karavana ne’e to’o iha fatin serimónia ne’ebé ho tebedai no lian dadolin, nune’e mós karavana iha Turizmu Maritima akompañia bero husi peskador sira.

Iha intervensaun, 𝐒𝐮𝐚. 𝐄𝐬𝐞𝐥é𝐧𝐬𝐢𝐚, Prezidente Autoridade Munisipál Lautém, 𝐒𝐫. 𝐌é𝐥𝐢𝐨 𝐝𝐞 𝐉𝐞𝐬𝐮𝐬, 𝐒𝐇, hateten, mai konsentra iha fatin Valu-Sere ba loron da Ualu nian, hodi selebra Loron Semana Mundiál Oseanu nian hamutuk ho komunidade sira iha Postu Administrativu Tutuala Tasi-ibun Valu-Sere.

Husi aktividade komemorasuan ne’e atu fo hanoin no Eduka ba komunidade sira iha Postu Administrativu sira ne’ebé hela besik iha Tasi-Ibun, atu nune’e labele halo fo’er nafatin tasi ibun sira ne’ebé iha, atu nunee tasi ibun mos nafatin atu labele fó Polusaun ba Biodiversidade sira iha Tasi laran, maibé liu husi atividade sira ne’e hodi valoriza ita-nia ambiente ne’ebé di’ak bele atrai ba turista sira husi Internasionál, Nasionál no lokál.

Iha fatin ne’ebé hanesan, Ekipa Assosiasi Perjalanan Wisata Indonesia entrega rekordasaun ba Prezidente Repúblika (PR), Primeiro Ministro (PM), Ministro Negósiu Estranjéiru no Kooperasaun (MNEK) no Prezidente Autoridade Munisipál Lautém ne’ebé simu direitu husi Presidente Aturidade Munisipál.

Deputadu Albino da Silva, hatutan, loron 8 Juñu, nu’udar loron Semana Mundiál Oseanu nian, ita hotu hatene katak, Timor-Leste iha Illa ida ne’ebé hale’u ho Tasi, ne’ebé ita-nia rikeza boot iha tasi laran Tanba ida ne’e mak Governu Timor-Leste tau as no konsiderasaun boot ida ne’ebé mundu internasionál atu rekoñese, nune’e tenke konserva didi’ak hodi prepara jerasaun kontinuador sira ne’ebé sei tuir mai.

𝐌𝐚𝐢𝐣ó𝐫 𝐉𝐞𝐧𝐞𝐫á𝐥 𝐉𝐚õ𝐚 𝐌𝐢𝐫𝐚𝐧𝐝𝐚 “𝐀𝐥𝐮𝐜 𝐃𝐞𝐬𝐜𝐚𝐫𝐭𝐞𝐬” hateten, hafoin Timor-Leste ukun an primeira selebra loron Semana Mundiál Oseanu nian iha Nonu Governu Konstituisionál nia tempu, tanba ida ne’e, atu komemora loron Semana Mundiál Oseanu ida ne’e, Governu fó tema mak “𝗛𝗮’𝘂 𝗡𝗶𝗮 𝗧𝗮𝘀𝗶, 𝗛𝗮’𝘂 𝗡𝗶𝗮 𝗧𝗶𝗺𝗼𝗿” tanba ida ne’e fatin ida ne’e atraitivu tebes ba ema hotu, presiza ita konserva didi’ak ba Biodiversidade sira ne’ebé moris iha tasi laran.

Aleinde ne’e mós, 𝐒𝐮𝐚.𝐄𝐬𝐞𝐥é𝐧𝐬𝐢𝐚, Sekretáriu Estadu Floresta, 𝐅𝐞𝐫𝐧𝐚𝐧𝐝𝐢𝐧𝐨 𝐕𝐢𝐞𝐢𝐫𝐚 𝐝𝐚 𝐂𝐨𝐬𝐭𝐚, haktuir tan katak, ohin loron ikus hodi selebra loron Semana Mundiál Oseanu, tanba loron ida ne’e liu husi Gabinete Fronteira Terestra no Maritima hamutuk ho Ministériu Turísmu no Ambiente, Ministériu Agrikultura Pescas Pekuaria no Floresta hamutuk ho Prezidente Autoridade Munisipál sira hodi selebra loron Semana Mundiál Oseanu nian iha Timor-Leste espesiál iha Munisípiu Lautém.

Liu husi Nonu Governu Konstituisionál, ne’ebé lidera husi 𝐒𝐮𝐚.𝐄𝐬𝐞𝐥é𝐧𝐬𝐢𝐚, Primeiro Ministro (PM-RDTL) 𝐊𝐚𝐲 𝐑𝐚𝐥𝐚 𝐗𝐚𝐧𝐚𝐧𝐚 𝐆𝐮𝐬𝐦ã𝐨, tau importánsia ba loron ida ne’e hodi selebra, tanba ida ne’e loron ida ne’e loron ne’ebé oinsá atu valoriza, proteje no konserva ba ita-nia Biodiversidade sira ne’ebé moris iha tasi laran.

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢