𝗟𝗼𝘀𝗽𝗮𝗹𝗼𝘀, 𝗞𝘂𝗮𝗿𝘁𝗮-𝗳𝗲𝗶𝗿𝗮, 𝟮𝟲 𝗡𝗼𝘃𝗲𝗺𝗯𝗿𝘂 𝟮𝟬𝟮𝟱

Autoridade Munisipál Lautém, liu husi Sekretáriu Munisipál Planeamentu Investimentu no Dezenvolvimentu Integradu (PIDI) reprezenta Prezidente Autoridade Munisipál Lautém, abertura Talentu Boxing hodi promove no halibur joven sira atu hala’o kompetisaun iha ámbitu Komemorasaun Loron Proklamasaun Unilaterál Repúblika Demokrátika de Timor-Leste (RDTL) 28 Novembru 1975-28 Novembru 2025 ba tinan 50 ne’ebé orgniza husi Lospala Boxing Club (LBC) iha Eis Merkadu Lama Lospalos.

Iha intervensaun, reprezentante Prezidente Autoridade Munisipál Lautém, Sekretáriu Munisipál Planeamentu Investimentu no Dezenvolvimentu Integradu (PIDI) 𝗦𝗿. 𝗧𝗶𝗯𝘂𝗿𝘀𝗶𝗼 𝗱𝗼𝘀 𝗦𝗮𝗻𝘁𝗼𝘀 hateten, Autoridade Munisipál Lautém agradese ba ekipa Lospala Boxing Club (LBC), ne’ebé prepara talentu Boxing ida ne’e ho másimu, atu nune’e bele hala’o animasaun ba ita nia Komunidade sira iha ámbitu Komemorasaun Loron Proklamasaun Unilaterál Repúblika Demokrátika de Timor-Leste (RDTL) 28 Novembru 1975-28 Novembru 2025 tinan 50.

Tamba ia ne’e, Talentu Boxing ida ne’e, promete tinan oin Autoridade Munisipál Lautém kontinua nafatin pomove talentu ida ne’e, tamba talentu ida ne’e Komunidade sira barak mak iha interesante tebes hodi haree.

Enkuantu, Talentu Boxing ida ne’e ho Topik Jeral mak ”𝙇𝙤𝙨𝙥𝙖𝙡𝙤𝙨 𝙁𝙞𝙜𝙝𝙩 𝙉𝙞𝙜𝙝𝙩” ne’ebé sei partisipa másimu husi Lospala Boxing Club, Natura Boxing Club, Asalaino Boxing Club, nune’e mos iha nasionál mos sei partisipa mak hanesan El Matador, Dili Boxing, Mascarinas, SCORPION no Sasana sira seluk ne’ebé hamutuk 27 Partai Boxing, kompostu husi Junior no Senior.

Atividade Eventu Boxing ida ne’e foin mak hala’o primeira vez iha Munisípiu Lautém, ho nune’e konvida ba Joventude sira no Komunidade sira iha Munisípiu Lautém, aban bele prezensa hodi partisipa no akompaña eventu essebisaun ba Lospala Fight Night nian ne’ebé hahu Ors.5:00 lokraik iha Eis Merkadu Lama Lospalos.

Hafoin remata abertura, ekipa Lospala Boxing Club (LBC), kontinua hala’o tetu no Face Of ba Boxista sira hodi halo preparasaun ba kompetisaun ba loron aban nian.

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢