𝐒𝐄𝐑𝐕𝐈𝐒𝐔 𝐌𝐔𝐍𝐈𝐒𝐈𝐏Á𝐋 𝐏𝐑𝐎𝐓𝐄𝐒𝐀𝐔𝐍 𝐂𝐈𝐕𝐈𝐋 𝐍𝐎 𝐉𝐄𝐒𝐓𝐀𝐔𝐍 𝐃𝐄𝐙𝐀𝐒𝐓𝐑𝐄 𝐍𝐀𝐓𝐔𝐑𝐀𝐈𝐒 𝐑𝐄𝐀𝐋𝐈𝐙𝐀 𝐄𝐍𝐊𝐎𝐍𝐓𝐑𝐔 𝐑𝐄𝐆𝐔𝐋𝐀𝐑 𝟐° 𝐓𝐑𝐈𝐌𝐄𝐒𝐓𝐑𝐄 𝟐𝟎𝟐𝟓 𝐁𝐀 𝐌𝐄𝐌𝐁𝐑𝐔 𝐊𝐎𝐍𝐒𝐄𝐋𝐋𝐔 𝐌𝐔𝐍𝐈𝐒𝐈𝐏Á𝐋 𝐏𝐑𝐎𝐓𝐄𝐒𝐀𝐔𝐍 𝐒𝐈𝐕𝐈𝐋 𝐈𝐇𝐀 𝐌𝐔𝐍𝐈𝐒Í𝐏𝐈𝐔 𝐋𝐀𝐔𝐓É𝐌

𝐒𝐄𝐑𝐕𝐈𝐒𝐔 𝐌𝐔𝐍𝐈𝐒𝐈𝐏Á𝐋 𝐏𝐑𝐎𝐓𝐄𝐒𝐀𝐔𝐍 𝐂𝐈𝐕𝐈𝐋 𝐍𝐎 𝐉𝐄𝐒𝐓𝐀𝐔𝐍 𝐃𝐄𝐙𝐀𝐒𝐓𝐑𝐄 𝐍𝐀𝐓𝐔𝐑𝐀𝐈𝐒 𝐑𝐄𝐀𝐋𝐈𝐙𝐀 𝐄𝐍𝐊𝐎𝐍𝐓𝐑𝐔 𝐑𝐄𝐆𝐔𝐋𝐀𝐑 𝟐° 𝐓𝐑𝐈𝐌𝐄𝐒𝐓𝐑𝐄 𝟐𝟎𝟐𝟓 𝐁𝐀 𝐌𝐄𝐌𝐁𝐑𝐔 𝐊𝐎𝐍𝐒𝐄𝐋𝐋𝐔 𝐌𝐔𝐍𝐈𝐒𝐈𝐏Á𝐋 𝐏𝐑𝐎𝐓𝐄𝐒𝐀𝐔𝐍 𝐒𝐈𝐕𝐈𝐋 𝐈𝐇𝐀 𝐌𝐔𝐍𝐈𝐒Í𝐏𝐈𝐔 𝐋𝐀𝐔𝐓É𝐌

𝐋𝐨𝐬𝐩𝐚𝐥𝐨𝐬, 𝐊𝐮𝐚𝐫𝐭𝐚-𝐟𝐞𝐢𝐫𝐚, 𝟐𝟓 𝐉𝐮ñ𝐮 𝟐𝟎𝟐𝟓

Autoridade Munispál Lautém, liu husi Diresaun Servisu Munisipál Protesaun Sivil no Jestaun Dezastre Naturais realiza enkontru regulár 2° Trimestre tinan 2025, ba membru Konsellu Munisipál Koordenasaun Protesaun Sivil, hodi fahe informasaun no aprezentasaun relasiona ho atividade Protesaun Sivil no Dezastre Naturais nian no hato’o mós oinsá planu protesaun sivíl nian hodi atende ba situasaun emerjénsia nian iha Munisípiu Lautém, atividade enkontru ne’e hala’o iha Salaun Postu Administrativu Lospalos.

Iha intervensaun, reprezentante Prezidente Autoridade Munisipál Lautém nu’udar Prezidente Konsellu Munisipál Protesaun Sivil, Administrador Postu Administrativu Lospalos, 𝐒𝐫. 𝐎𝐥𝐝𝐞𝐫𝐢𝐜𝐨 𝐂𝐨𝐢𝐦𝐛𝐫𝐚, esplika, enkontru regulár ida ne’e kada fulan tolu tenke hala’o, ne’ebé organiza husi Diresaun Servisu Munisipál Protesaun Sivil no Dezastre Naturais Munisípiu Lautém, tanba ida ne’e, presiza servisu hamutuk ho Autoridade no membru Konsellu tomak atu kolabora ba Departamentu hotu ne’ebé relasiona ho servisu asuntu Protesaun Sivil no Dezastre Naturais hodi bele haree problema ne’ebé komunidade sira enfrenta iha terenu.

Iha fatin hanesan, Diretor Diresaun Servisu Munisipál Protesaun Sivil no Jestaun Dezastre Naturais 𝗦𝗿. 𝗖𝗮𝘀𝗶𝗺𝗲𝗿𝗼 𝗔𝘀𝘀𝘂𝗻çã𝗼 𝗣𝗶𝗿𝗲𝘀, hatutan, realiza enkontru regulár 2° Trimestre, ba membru Konsellu Munisipál Protesaun Civil Munisípiu  ne’e mai hamutuk ne’e atu fahe informasaun ba malu relasiona ho atividade ne’ebé futuru presiza hala’o, tanba membru Konsellu Munisipál Koordenasaun Protesaun Sivil la’os Diresaun ida de’it iha Polísia Nasionál Timor-Leste (PNTL) no Autoridade Protesaun Sivil (APC), maibé Diresaun barak ne’ebé servisu tuir kompeténsia ne’ebé iha.

Durante enkontru, Diresaun Servisu Munisipál Protesaun Sivil, aprezenta Planu Protesaun Sivil ba situasaun emerjénsia no Autoridade Protesaun Sivil (APC) Munisípiu Lautém mós aprezenta progresu servisu kona-ba komandu operasionál Autoridade Protesaun Sivil durante fulan Janeiru to’o Juñu 2025. Entretantu, Dezastre Naturais ne’ebé akontese iha Munisípiu Lautém hahú husi fulan Janeiru to’o Juñu 2025, hamutuk 69 dezastre, enkuantu dezastre hirak ne’e iha tipu hanesan, Anin Sobu Uma hamutuk 59, Ai Hanehan Uma hamutuk 2, Ai Han Uma hamutuk 7 no Mota Lori Komunidade 1.

𝙍𝙚𝙢𝙖𝙩𝙖

(𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢)