SEFTEC FO FORMASAUN BA FUNSIONARIU SIRA KONABA ATENDIMENTU PUBLIKU IHA MUNISIPIU LAUTEM
Lospalos, Sexta-Feira, 28 Juñu 2024
Autoridade Munisipál Lautém, liu husi Secretário Munisipál, dos Assuntos Sosiais e Organizações Comunitárias, 𝐒𝐫. 𝐙𝐞𝐟𝐞𝐫𝐢𝐧𝐨 𝐝𝐨𝐬 𝐒𝐚𝐧𝐭𝐨𝐬 𝐒𝐞𝐪𝐮𝐞𝐢𝐫𝐚, reprezenta Prezidente Autoridade Munisipál Lautém, ensera formasaun Comunicação Relação Pública no Protocolo, ne’ebé hala’o husi Secretário Estado Comunicação Social, liu husi Diresaun, Formação Téknica Em Comunicação (CEFTEC), durante semana ida, hodi kapasita formadu sira nia mentalidade servisu nian, ne’ebé formasaun ne’e hahú iha loron Segunda-feira, 24 Juñu remata loron Sexta-feira 28 Juñu 2024, ne’ebé formadóres sira antuzismu tebes, tanba prátika liu husi simulasaun Protocolo nian, hala’o iha Salaun Autoridade Munisipál Lautém.
Iha intervensaun, Secretário Munisipál, dos Assuntos Sosiais e Organizações Comunitárias, 𝐒𝐫. 𝐙𝐞𝐟𝐞𝐫𝐢𝐧𝐨 𝐝𝐨𝐬 𝐒𝐚𝐧𝐭𝐨𝐬 𝐒𝐞𝐪𝐮𝐞𝐢𝐫𝐚, reprezenta Prezidente Autoridade Munisipál Lautém, hateten, formasaun kona-ba asuntu Protocolo ne’e importante tebes, tanba protokolu iha kombinasaun regulamentu ne’ebé liga ba atendimentu no atividade sira solene nian, tanba ida ne’e mak simulasaun ida ne’e importante tebes hodi kapasita partisipante sira nia mentalidade.
Nia dehan, simulasaun ida ne’e importante tebes, tanba bainhira atividade ne’e la’o no la la’o depende ba protokolu nia servisu, ne’ebé ho ninia grau, nune’e formasaun ida ne’e remata, ba Diretor Servisu Munisipál no Gargu Xefia sira ne’ebé maka tuir formasaun ida ne’e fila ba hodi implementa serimónia sira.
Secretário Munisipál ne’e salienta tan, formadu sira ne’ebé maka hetan oportunidade, tenke implementa iha kualkér serimónia, tanba posibilidade iha futuru sei tenta oinsá atu forma Diresaun Protocolo iha nivel Munisípiu, atu nune’e protokolu organiza sira organiza rasik bainhira iha serimónia loron nasionál sira iha nivel Munisipál, maibé protokolu tenke iha rekursu ekipamentu no situasaun ne’ebé sufisiente hodi bele implementa.
Iha fatin ne’ebé hanesan, Xefe Departamentu Formação CEFTEC, 𝐇𝐞𝐫𝐦𝐞𝐬 𝐀𝐫𝐚ú𝐣𝐨 𝐑𝐞𝐢𝐬 𝐝𝐞 𝐂𝐚𝐫𝐯𝐚𝐥𝐡𝐨, apresia tebes ho vontade tomak ba formadu sira, tanba iha inisiativa hodi kontribui formasaun durante loron 5 nia laran.
Nia esplika, iha nivel nasionál, formasaun to’o nivel 4 ho nia durasaun tinan ida, maibé iha nivel Munisipál sira ba loron 5, nune’e ita bele aprende hamutuk, maski neineik maibé ba beibeik, nune’e rekomenda ba Prezidente Autoridade Munisipál Lautém ho estrutura tomak, tenke fó espasu ba formadu sira ne’ebé maka hetan ona formasaun durante loron 5 nia laran, liu husi formasaun CEFTEC nian, atu nune’e matenek sira ne’ebé maka hetan ona labele monu leet de’it ne’ebé mak sira hetan ona.
𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢