Lospalos, Tersa-Feira, 29 Agostu 2023

Ajensia Internasionál Banku Dezenvolvimentu Aziátiku (ADB-Sigla Inglés), hala’o enkontru ho Administrador Postu Administrativu (APA) Lospalos, Lautém no Iliomar, no Xefi Suku sira, hodi ku’alia kona-bá rehabilitasaun trosu Estrada diresaun Lautém ba Com, Lautém ba Lospalos Vila no Lospalos ba Postu Iliomar nian, ne’ebe organiza husi Ajensia Internasional Banku Dezenvolvimentu Aziátiku (ADB-Sigla Portugés), nebe realiza iha Salaun Administrasaun Munisípiu Lautém (AML).

Diretor Jerál Ministériu Finansas Françisco da Silva hateten, iha enkontru nee atu rona ideias no difikuldade balun hosi Administrador Postu no Xefi Suku sira ne’ebé mak iha Munisípiu Lautém, trosu projetu nee husi Postu Lautém ba Suku Com, Lospalos Vila no Lospalos Vila ba Postu Iliomar nian, Estrada sira nee tama ba Estrada nasional nian. Husu kontribuisaun no kolaborasaun husi lider komunitaria munisipiu lautem nian tanba projeitu ne’e preparadu ona atu ita bele implementa.

DJ Finansas ne’e relata, trosu Estrada ne’e identifika ona husi Postu Lautem ba Com, Lautém mai iha Lospalos Vila ho Km 47, agora ita aumenta tan Lospalos ba Iliomar hamutuk Km 125. Ho ida ne’e mak Orsamentu ne’ebé seí rehabilita Estrada Lautém ba Com no Lautém Lospalos Vila hamutuk Milioens 60, trosu Estrada kontinua Lospalos Vila ba Postu Iliomar Miliones 150, maibé ida ne’e desizaun konta finansiamentus seida’uk klaru, Benefisiariu sira ne’ebe maka afeitadu ba trosu Estrada ida ne’e, husi Lautem ba Com no Lautem mai iha Lospalos kuaze 196 benefisiairu mak afeita ba projeitu ida ne’e.

Agora benefisiariu sira ne’ebé maka afeita ba trosu projeitu Estrada Lospalos Vila ba Postu Iliomar nian, agora foin mak finaliza nia estudu viabilidade, estudu nee hetan ona aprovasaun husi KAFI, kona-bá kompaña atu konstrui no responsabilita ba trosu projeitu ida ne’e sei prosesu no sei halo tenderizasaun públiku ba iha nivel internasional sira atu kompete, foin deside kompaña hira maka atu konstrui estrada refere.