𝐋𝐚𝐮𝐭é𝐦, 𝐒𝐞𝐠𝐮𝐧𝐝𝐚-𝐟𝐞𝐢𝐫𝐚, 𝟐𝟎 𝐀𝐛𝐫𝐢𝐥 𝟐𝟎𝟐𝟔

Ministériu Petróleu no Rekursu Minerais (MPRM) liu husi Autoridade Nasionál Minerais Instituto Públiku (ANM, I.P) hala’o Sosializasaun no partilha informasaun kona-ba progresu atividade setór mineriu nian ba komunidade sira, oinsa komunidade sira atu intende didi’ak ba prosesu dezenvolvimentu setór minerais nina iha Munisípiu Lautém, atividade sensibilizasaun ne’e hala’o iha Salaun Parókia Cristo Rei Lautém.

S.E Ministru Petróleu no Rekursu Minerais, 𝐒𝐫. 𝐅𝐫𝐚𝐧𝐜𝐢𝐬𝐜𝐨 𝐝𝐚 𝐂𝐨𝐬𝐭𝐚 𝐌𝐨𝐧𝐭𝐞𝐢𝐫𝐨, hateten, enkontru ida ne’e orientasaun husi Ministéiru Petróleu no Rekursu Minerais ba Autoridade Nasionál Minerais (ANM) hodi organiza atividade enkontru alargada ida ba komunidade sira hodi fahe informasaun atividade ba Autoridade Nasionál Minerais nian atu nune’e sira bele iha intendimentu atu apar ho empreza internasional sira ne’ebé hala’o atividade iha Aldeia no Suku sira.

Tanba ida ne’e Governante sublina, enkontru ida ne’e importante tebes ba Autoridade Postu no Lider Komunitária sira atu partisipa ho másimu, nune’e bainhira enkontru ida ne’e remata fila ba Aldeia no Suku hodi trasmite tutan ba komunidade sira iha area rurál, atu nune’e komunidade sira labele iha hanoin ne’ebe negativu ba atividade Autoridade Nasional Minerais nian.

Governante ne’e husu ba Xefe Suku no Aldeia sira, bainhira enkontru ida ne’e remata fila iha kada Suku no Aldeia hodi enkoraja ba komunidade sira no juventude sira atu fó apoiu másimu ba servisu estadu nian liuliu atividade Autoridade Nasionál Minerais nian, ne’ebé iha Suku no Aldeia, atu labele iha tentativa ida atu blokeia no inpedimentu atividade ruma.

Minsitru Petróleu no Rekursu Minerais afirma tan, ba oin labele iha hanoin ida no halo tentavia oioin atu impede atividade estadu nian ne’ebé iha Suku no Aldeia, Ministeriu Petróleu no Rekursu Minerais nia responsabilidade maka atu asegura ba servisu hotuhotu ne’ebe nakaet ho MPRM nian tenke la’o ba oin no hetan fasilitasaun ne’ebe tuir Lei no regulamentu.

Iha fatin hanesan, 𝐒.𝐄 Prezidente Autoridade Munisipál Lautém 𝐒𝐑. 𝐌é𝐥𝐢𝐨 𝐝𝐞 𝐉𝐞𝐬𝐮𝐬 𝐒𝐇 hatutan Sensibilizasaun ida ne’e importante tebes ba prosesu dezenvolvimentu tomak iha Munisípiu Lautém iha area setór Minerais nian.

Tanba iha loron 24 Abril 2024, Nonu Governu Konstituisional entrega ona lisensiamentu ba kompaña Estella Resources Limited no Peak Everest Mining iha GOR Munisípiu Lautém, momentu ne’eba Autoridade Munisípiu, Postu, Lider Komunitária no komunidade sira hotu konkorda no aseita katak prosesu dezenvolvimentu tenke la’o ba oin.

Iha ámbitu Sosializasaun 𝐒.𝐄 Prezidente Autoridade Munisipál Lautém afirma katak, bainhira kompañia ruma halo dezenvolvimentu iha Aldeia, Suku no Postu tenke konsulta ba malu atu nune’e labele iha dezentendimentu.

Lider másimu iha Munisípiu Lautém enkoraja ba Xefe Suku no Administrador Postu sira presiza iha koordenasaun ne’ebé importante, maski iha razoens, maibé tenke iha koordenasaun ho Administrador Postu no Autoridade Munisípiu hodi buka nia solusaun.

Sosializasaun ida ne’e, ekipa tékniku husi Autoridade Nasionál Minerais (ANM) aprezentasaun ida ba partisipasasaun sira kona-ba lala’ok matadalan hodi implementa konteudu lokal espesifiku iha faze Prospesaun no peskiza nian, nune’e Autoridade Postu no lider Komunitaria fila karik bele interpreta asuntu ida ne’e tuir nia dalan no tuir Lei ne’ebe haruka.

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢