𝐋𝐨𝐬𝐩𝐚𝐥𝐨𝐬, 𝐓𝐞𝐫𝐬𝐚-𝐟𝐞𝐢𝐫𝐚, 𝟐𝟏 𝐀𝐛𝐫𝐢𝐥 𝟐𝟎𝟐𝟔

𝐒.𝐄 Prezidente Autoridade Munisipál Lautém akompaña ho Diretor Servisu Munisipál Agrikultura Munisípiu Lautém entrega hand tratór hamutuk unidade 4 ba grupu agrikultór sira no entrega ró unidade ida ba grupu peskadór sira husi Postu Lore, serimónia distribuisaun ne’e hala’o iha area dores Servisu Munisipál Agrikultura Munisípiu Lautém.

Apoiu hirak ne’e mai husi Ministériu Agrikultura Pekuária Peska no Floresta (MAPPF) mai iha Servisu Munisipál Agrikultura Munisípiu Lautém, nune’e Autoridade Munisípiu Lautém kontinua entrega ba grupu agrikultór sira no grupu peskadór sira, husi ne’e bele motiva agrikultór no peskador sira bele hasa’e produsaun produtu no ai-han lokál iha rai laran espesiál iha Munisípiu Lautém, tanba nonu Governu konstitusionál no Governu lokál nia polítika durante mandatu, foka liu ba setór agrikultura oinsá hasa’e produsaun produtu lokál iha rai laran liuliu iha Munisípiu Lautém, nune’e bele minimiza produtu importasaun.

Intervensaun, 𝐒.𝐄 Prezidente Autoridade Munisipál Lautém 𝐒𝐫. 𝐌é𝐥𝐢𝐨 𝐝𝐞 𝐉𝐞𝐬𝐮𝐬 𝐒𝐇 hateten ba grupu agrikultura sira ne’ebé hetan hand tratór utiliza ekipamentu sira ne’e utiliza di’ak no responsabilidade tomak atu hala’o atividade agrikultura nian, ne’ebé entrega hotu fini hare ho Viriedade Nakroma, ba viveirus nian, liu husi ida ne’e bele hasa’e produsaun alimentar liuliu ba Hare iha Munisípiu Lautém.

Tanba durante mandatu Governu tau prioridade ba iha setór agrikultór sira, hodi prodús produtu lokál, nune’e grupu agrikultura sira ne’ebé hetan hand traktor ida ne’e tenke utiliza ba atividade agrikultura nian, tanba ko’alia kona-ba merenda eskolár ne’e mai husi produtu lokál, tanba tinan tinan ida ne’e, Governu sentrál aloka orsamentu ho valór ne’ebé boot hamutuk Miliens $1.6, atu atende ba merenda eskolár nian iha Munisípiu Lautém, tanba Lei hateten, programa merenda eskolár utiliza produtu lokál ho 75%.

Aleinde ne’e mós 𝐒.𝐄 Prezidente Autoridade Munisipál Lautém haktuir tan, grupu peskadór sira ne’ebé simu ona ró, utiliza ba atividade peska nian iha tasi, tanba iha peskadór atu fasilita ekonómia uma laran nian. Prezidente Autoridade Munisipál Lautém sente orgullu ba grupu peskadór sira husi Postu Lore, tanba mesak idade joven, signifika joven sira komesa iha ona hanoin atu buka oinsá sustenta vida moris ekonomia nian iha família uma laran hodi bele hasa’e nutrisaun.

Tanba ida ne’e nafatin husu ba grupu peskadór sira, garantia ro nia kualidade, tanba manutensaun ro nian, grupu peskadór sira mak hala’o ninia manutensaun, tanba ida ne’e kuidade ro sira ne’e bele utiliza ba tinan 5 no 6 hanesan mak foin halo nia manutensaun. no husu ba grupu peskadór sira labele obriga an tama tasi, bainhira korenta laloran ladún di’ak, antes tama tasi tenke hare klima uluk, tanba ita-nia vida mais importante tebes.

Entrega hand trator hamutuk unidade 4 ba Grupu Agrikultura sira mak hanesan Xefe Grupu Amizade iha Suku Raça, Xefe Grupu Takalele iha Muapitine, Xefe Grupu Ica-raurau iha Nanafoe no Xefe Grupu Colisina iha Mehara, nune’e mós entrega ró unidade ida ba Grupu Labaruk iha Postu Lore.

Enkuantu ekipamentus peskas nian ne’ebé entrega ba grupu peskadór Lore mak hanesan, pakote operasaun iha Kosta Súl, Bero Fibra de Vidro ho Marka Kurita/MAPPF/SEP/2024 ho Unidade (1), ho nia Asesoris kompletu hanesan Tali 8 mm, ho marka PE (110 M) unidade 3, Tali 10 mm, Life Jacket ho Marka atunas, Ankora 10 Kg (1) no puraun matan ho marka fibra do vidro ho nia unidade (3).

Aleinde ne’e mós 𝐒𝐮𝐚.𝐄𝐬𝐞𝐥é𝐧𝐬𝐢𝐚 Prezidente Autoridade Munisipál Lautém iha sirkular ida ba peskadór sira, ne’e le sai husi Xefe Departamentu Peskas, nune’e peskadór sira bele utiliza Ro tuir sirkular ne’ebé Autoridade Munisipál Lautém iha, sirkular ne’e mós bele kontrola Utilizasaun Ro, atu nune’e bele hasa’e produsaun Ikan.

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢