𝐋𝐨𝐬𝐩𝐚𝐥𝐨𝐬, 𝐒𝐞𝐱𝐭𝐚-𝐟𝐞𝐢𝐫𝐚, 𝟓 𝐉𝐮ñ𝐮 𝟐𝟎𝟐𝟔

𝐄𝐱𝐞𝐥é𝐧𝐬𝐢𝐚, Prezidente Autoridade Munisipál Lautém, Distintu Deputadu 𝐀𝐥𝐛𝐢𝐧𝐨 𝐝𝐚 𝐒𝐢𝐥𝐯𝐚, Komandante Polísia Nasionál Timor-Leste (PNTL) Munisípiu Lautém, Prezidente Konsellu Munisipál Kombatentes Libertasaun Nasionál (KMKLN) Munisípiu Lautém, reprezentante Ministériu Petróleo no Rekursu Minerais, reprezentante Ministériu Turísmu no Ambiente, Diretor Nasionál Limpeza no Ambiente, Sekretáriu Munisipál sira, Administrador Postu Administrativu Iliomar, Lospalos, Lore, Luro, Lautém no Tutuala, Diretor/a Servisu Munisipál, Diretór/a Delegasaun Teritorial no Diretor/a Eskola, estudante no komunidade sira

selebra ona loron nasionál Tasi liu husi desfile no lao ain hahú husi Centru Kultural mai to’o kampu 28 de Novembru.

Iha intervensaun distintu Deputadu 𝐀𝐥𝐛𝐢𝐧𝐨 𝐝𝐚 𝐒𝐢𝐥𝐯𝐚, hateten loron 5 Juñu importante tebes, tanba Governu deside iha Konsellu Ministru (KM) ne’ebé publika Jornal da Repúblika, nune’e loron 5 Juñu nu’udar loron nasionál ba Tasi nian.

Membru Parlamentu Nasionál ne’e subliña loron nasionál 5 Juñu nu’udar loron importante ba Povu Timor-Leste espesiál Povu Munisípiu Lautém ne’ebé iha obrigasaun atu konserva tasi, labele soe foer arbiru, tanba tasi iha ambiente ida ne’ebé iha abitasaun tasi laran.

Iha fatin hanesan, 𝐄𝐱𝐞𝐥é𝐧𝐬𝐢𝐚 Prezidente Autoridade Munisipál Lautém 𝐒𝐫 𝐌é𝐥𝐢𝐨 𝐝𝐞 𝐉𝐞𝐬𝐮𝐬 𝐒𝐇 hateten, ohin hala’o atividade desfile no marsa la’o ain hodi selebra loron nasionál Tasi nian iha Munisípiu Lautém.

Tanba ida ne’e selebrasaun loron nasionál Tasi, atu fó Impotânsia ba ekosistema ambiente sira ne’ebé moris iha tasi laran, oinsá atu prezerva no konserva iha Tasi, tanba Tasi mak ita-nia moris no Timor mak ita-nia uma.

Tanba ne’e Prezidente Autoridade Munisipál Lautém konvida estudante sira ne’ebé sai nu’udar promotor dahuluk iha Munisípiu Lautém, hodi sensibiliza no sosializa ba sosiedade sira tomak iha Aldeia no Suku, hodi bele koñese no hatene kle’an kona-ba ita-nia tasi.

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢