𝐋𝐨𝐬𝐩𝐚𝐥𝐨𝐬, 𝐊𝐢𝐧𝐭𝐚-𝐟𝐞𝐢𝐫𝐚, 𝟒 𝐉𝐮ñ𝐮 𝟐𝟎𝟐𝟔

Komisaun Organizadora (K.O) ba loron nasionais sira iha Munisípiu Lautém liu husi seksaun kompetisaun realiza atividade kompetisaun ne’ebé envolve husi estudante sira iha âmbitu komemorasaun loron nasionais tasi no loron mundiál oceano, ne’ebé hala’o iha Munisípiu Lautém.

Iha intervensaun 𝐄𝐱𝐞𝐥é𝐧𝐬𝐢𝐚 Prezidente Autoridade Munisipál Lautém 𝐒𝐫. 𝐌é𝐥𝐢𝐨 𝐝𝐞 𝐉𝐞𝐬𝐮𝐬 𝐒𝐇 subliña importánsia inisiativa husi Autoridade Munisipál Lautém hodi hala’o atividade sertame ne’ebé envolve husi estudante sira husi Eskola Sekundária Jerál no Ensinu Sekundária Tecnico Vocasional iha Postu Lospalos Vila hodi komemora loron nasionál Oceano iha loron 5 Juñu no loron Mundiál Oceano iha loron 8 Juñu 2026.

Tanba ida ne’e Prezidente Autoridade Munisipál Lautém mensiona kona-ba objetivu lolos husi sertame atu fó koñesimentu kle’an ba estudante sira relasiona ho importánsia husi tasi ho biodiversidade sira ne’ebé moris iha tasi laran, oinsá atu proteje konserva no prezerva ba abitante no ekosistema sira ne’ebé moris iha tasi laran, atu sai nu’udar parte ida ba iha sustentabilidade ekonomia iha Timor-Leste espesiál iha Munisípiu Lautém.

Tanba tema ne’ebé iha Selebrasaun ida ne’e mak “𝙃𝘼’𝙐 𝙉𝙄𝘼 𝙏𝘼𝙎𝙄, 𝙃𝘼’𝙐 𝙉𝙄𝘼 𝙏𝙄𝙈𝙊𝙍”, Tasi nu’udar ai-han no Timor nu’udar uma. Exelénsia argumenta, kompetisaun ba atividade sertame ida ne’e importante tebes atu fó koñesimentu kle’an ba estudante sira, husi ne’e estudante sira bele sai embaixadór ba estudante sira seluk no ba komunidade sira hotu.

Tanba Tasi mak fontes moris ne’ebé labele fahe husi ita-nia identidade, ne’ebé fó kbiit riku-soin no naroman ba futuru parseria no Dezenvolvimentu Nasaun Timor-Leste nian. Oceano la’os de’it tasi been ne’ebé habelar, maibé nia mak moris fatin ba ekosistema boot ne’ebé sustenta ita-nia nesesidade loroloron, proteje klima no sai pilár fundamentál ba moris di’ak jerasaun ohin nian no jerasaun sira ne’ebé sei mai.

Enkuantu estudante sira ne’ebé partisipa iha sertame mai husi eskola Grupu A husi Ensinu Sekundária Tecnico Vocasional No.1 Lospalos, Grupu B husi Eskola Sekundária Jerál Lere Anan Timur Lospalos, Grupu C husi Eskola Sekundária Jerál Nino Conis Santana Lospalos, Grupu D husi CAFE, Grupu E husi Eskola Téknika Agrikola Dom Bosco Fuiloro Lospalos, Grupu F husi Eskola Jeral Dom Bosco Fuiloro, Grupu G husi Ensino Sekundáriu Tékniku Vokasionál No.2 Lospalos.

Atividade sertame ne’e hetan apoiu husi Ministériu Turísmu no Ambiente.

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢