𝐋𝐨𝐬𝐩𝐚𝐥𝐨𝐬, 𝐊𝐢𝐧𝐭𝐚-𝐟𝐞𝐢𝐫𝐚, 𝟔 𝐀𝐠𝐨𝐬𝐭𝐨 𝟐𝟎𝟐𝟔

Ministériu Administrasaun Estatal (MAE), liu husi ekipa independente nasionál ne’ebé lideradu husi Diretor Jeral Sekretariadu Tékniku Administrasaun Eleitoral (STAE) nu’udar koordenadór ba atividade Avaliasaun Kondisaun Mínimu segundu etapa nian iha Munisipiu Lautem, ne’ebé hala’o iha salaun Administrasaun Autoridade Munisipiu Lautem.

Avaliasaun Kondisaun Mínima Segunda Etapa ne’e nia objetivu mak atu sukat nivel kumprimentus padraun mínimu institusionál, identifika área sira ne’ebé presiza hadi’ak, no fó rekomendasaun atu apoia dezenvolvimentu administrativu no institusionál iha munisípiu.

Sesaun abertura ba atividade Avaliasaun Kondisaun Mínimu segundu etapa lidera husi 𝐄𝐱𝐞𝐥é𝐧𝐬𝐢𝐚 Prezidente Autoridade Munisipál 𝐒𝐫. 𝐌é𝐥𝐢𝐨 𝐝𝐞 𝐉𝐞𝐬𝐮𝐬 𝐒𝐇 fó lia Ben-Vindu husi ekipa nasionál ba Avaliasaun Kondisaun Mínimu segundu etapa mai iha Munisípiu Lautém.

Lider másimu iha Munisípiu Lautém afirma iha fulan kotuk, ekipa ne’ebé hanesan mai iha Autoridade Munisípiu Lautém hala’o avaliasaun kondisaun mínimu etapa primeiru nian ne’ebé rezultadu hatudu Munisípiu Lautém tama ba klasifikasaun “Muito Bom”.

Tanba ida ne’e tinan ida ne’e ekipa husi Ministériu Administrasaun Estatal kontinua hala’o avaliasaun kondisaun mínimu ba segundu etapa nian, agora avalia kona-ba institusionál, dezempeñu, kada servisu Munisipál nian parte institusionál. Nu enkuantu avaliasaun segundu etapa nian atu haree individu relasiona ho servisu Munisipál sira hamutuk ho Prezidente Autoridade Sekretariu Munisipal na’in 3, Administrador Postu na’in 6 no servisu distrumentais no servisu operasionais.

𝐄𝐱𝐞𝐥é𝐧𝐬𝐢𝐚 Prezidente Autoridade iha esperansa Munisípiu Lautém tenke tama ba desentralizasaun podér lokál, nune’e bele hala’o eleisoens direta iha asembleia Munisipais ba Poder Lokál nia, maibé depende ba ekipa avaliasaun kondisaun mínimu mai iha terenu.

Iha fatin hanesan Diretor Jeral Sekretariadu Tékniku Administrasaun Eleitoral (STAE) nu’udar koordenadór ba atividade Avaliasaun Kondisaun Mínimu segundu etapa 𝐒𝐫. 𝐄𝐥𝐯𝐢𝐫𝐨 𝐅𝐞𝐫𝐧𝐚𝐧𝐝𝐞𝐬 𝐌𝐨𝐧𝐢𝐳 haktuir tan kona-ba atividade avaliasaun kondisaun mínimu ne’ebé hala’o iha tinan kotuk ne’ebé Munisípiu Lautém mós hetan valór di’ak pasa ba “Muito Bom”.

Nune’e Ministeriu Administrasaun Estatal (MAE) orienta ba dala rua nian, mai hasoru Autoridade Munisipiu, kona-ba hare no avalia avansa progresu husi avaliasaun dahuluk nian ba prosesu preparasaun avaliasaun kondisaun mínimu.

Diretór Jeral ne’e subliña, rezolusaun No.6/2025 ne’ebé orienta ita atu halo atividade avaliasaun kondisaun mínimu, rezolusaun ida ne’e hatete iha tinan 2027 mínimu tenke iha ona Poder Lokál, tanba ida ne’e iha tinan kotuk ekipa Avaliasaun Kondisaun Minimu mai iha Autoridade Munisípiu Lautém rezultadu husi primeiru etapa Avaliasaun Kondisaun Minimu Autoridade Munisipiu Lautem hetan valór “Muito Bom”.

Tanba ida ne’e ohin, despaixu no.41 husi MAE orienta dala ida tan ekipa avaliasaun kondisaun mínimu ne’ebé lideradu husi Diretor Jeral STAE, mai hasoru tan Autoridade Munisipiu Lautem hodi haree no avalia avansa progresu husi primeiru avaliasaun ba Autoridade Munisipiu Lautem nian to’o iha ne’ebé.

𝙈𝙚𝙙𝙞𝙖 𝙋𝘼𝙈-𝙇𝙖𝙪𝙩𝙚𝙢