𝐈𝐍𝐀𝐏 𝐅𝐎 𝐅𝐎𝐑𝐌𝐀𝐒𝐀𝐔𝐍 𝐁𝐀 𝐅𝐔𝐍𝐒𝐈𝐎𝐍𝐀́𝐑𝐈𝐔 𝐒𝐈𝐑𝐀 𝐈𝐇𝐀 𝐀𝐔𝐓𝐎𝐑𝐈𝐃𝐀𝐃𝐄 𝐌𝐔𝐍𝐈𝐒𝐈𝐏𝐀́𝐋 𝐋𝐀𝐔𝐓𝐄́𝐌

𝐋𝐨𝐬𝐩𝐚𝐥𝐨𝐬, 𝐒𝐞𝐠𝐮𝐧𝐝𝐚-𝐟𝐞𝐢𝐫𝐚, 𝟐𝟏 𝐉𝐮𝐥𝐥𝐮 𝟐𝟎𝟐𝟓

Institutu Nasionál Adminsitrasaun Públika (INAP) hala’o formasaun kona-ba formadu Kursu Komputador Programa Aplikasaun Eskritóriu ba funsionáriu sira hodi kontinua kapasita funsionáriu liu husi formasaun hodi hasa’e koñesimentu iha área eletróniku, atu nune’e bele hatene utilizasaun Sistema servisu iha servisu fatin, formasaun ne’e hala’o durante semana ida, hahú iha loron Segunda-feira sei remata iha loron Sexta-feira, 25 Jullu 2025 ne’ebé hala’o iha Salaun Administrasaun Autoridade Munisipál Lautém.

Iha intervensaun, reprezentante Prezidente Autoridade Munisipál Lautém, Sekretáriu Munisipál Assuntu Sosiais no Organizasaun Urbana, 𝐒𝐫. 𝐙𝐞𝐟𝐞𝐫𝐢𝐧𝐨 𝐝𝐨𝐬 𝐒𝐚𝐧𝐭𝐨𝐬 𝐒𝐞𝐪𝐮𝐞𝐢𝐫𝐚 husu ba partisipante sira ne’ebé tuir formasaun tenke partisipa másimu no ativu durante iha semana ida nia laran, atu nune’e iha koñesimentu ne’ebé iha hodi bele utilizasaun Sistema servisu.

Nia dehan, tanba formasaun ida ne’e atu aprende no fasilita funsionáriu ba iha servisu kada loron nian, tanba ida ne’e tenke tuir formasaun ho konsentrasaun ne’ebé másimu iha ambitua formasaun nia laran durante semana ida nia laran.

Reprezentante ne’e subliña, oportunidade di’ak tebes, funsionáriu sira aproveita didi’ak oportunidade ida ne’e, tanba funsionáriu iha diretu atu hetan formasaun tinan ida dala ida, tanba la’os formasaun maibé tenke rekursu ne’ebé apoiu atu tuir formasaun.

𝙍𝙚𝙢𝙖𝙩𝙖

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢

𝐋𝐨𝐬𝐩𝐚𝐥𝐨𝐬, 𝐊𝐮𝐚𝐫𝐭𝐚-𝐟𝐞𝐢𝐫𝐚, 𝟏𝟔 𝐉𝐮𝐥𝐥𝐮 𝟐𝟎𝟐𝟓

Ekipa Diresaun História Militár ne’ebé Xefia husi Xefe Diresaun História Militár FALINTIL-Forsa Defeza Timor-Leste (F-FDTL) 𝐊𝐨𝐫𝐨𝐧𝐞𝐥 𝐁𝐞𝐧𝐞𝐝𝐢𝐭𝐨 𝐃𝐢𝐚𝐬 𝐐𝐮𝐢𝐧𝐭𝐚𝐬 “𝐏𝐔𝐍𝐔 𝐅𝐀𝐍𝐔” ho nia membru akompaña ho Prezidente Kosellu Munisipál Kombatente Libertasaun Nasionál (CMCLN) Munisípiu Lautém, realiza enkontru no hala’o liña koordenasaun servisu ho Autoridade Munisipál Lautém, liu husi Sekretáriu Munisipál Planeamentu Investimentu no Dezenvolvimentu Integradu (PIDI), 𝐒𝐫. 𝐓𝐢𝐛𝐮𝐫𝐬𝐢𝐨 𝐝𝐨𝐬 𝐒𝐚𝐧𝐭𝐨𝐬, hamutuk ho Diretor Servisu Munisipál Planeamentu Integradu no Dezenvolvimentu (PID), akompaña ho enjeñeiru na’in rua, kona-ba atu harii monumentu Falintil ida iha Area Alapupul, Suku Cacavei, Postu Administrativu Lospalos Munisípiu Lautém.

Hafoin remata, enkontru, ekipa Diresaun História Militár ne’ebé Xefia husi Xefe Diresaun História Militár FALINTIL-Forsa Defeza Timor-Leste (F-FDTL) 𝐊𝐨𝐫𝐨𝐧𝐞𝐥 𝐁𝐞𝐧𝐞𝐝𝐢𝐭𝐨 𝐃𝐢𝐚𝐬 𝐐𝐮𝐢𝐧𝐭𝐚𝐬 “𝐏𝐔𝐍𝐔 𝐅𝐀𝐍𝐔” ho nia membru akompaña ho Prezidente Kosellu Munisipál Kombatente Libertasaun Nasionál (CMCLN) Munisípiu Lautém, realiza enkontru no hala’o liña koordenasaun servisu ho Autoridade Munisipál Lautém, liu husi Sekretáriu Munisipál Planeamentu Investimentu no Dezenvolvimentu Integradu (PIDI), 𝐒𝐫. 𝐓𝐢𝐛𝐮𝐫𝐬𝐢𝐨 𝐝𝐨𝐬 𝐒𝐚𝐧𝐭𝐨𝐬, hamutuk ho Diretor Servisu Munisipál Planeamentu Integradu no Dezenvolvimentu (PID), akompaña ho enjeñeiru na’in rua tun ba iha terenu hodi observa direta fatin harii Monumentu Falintil nian, tanba BOQ no dezeñu sei prepara husi Autoridade Munisipál Lautém liu husi Diretor Servisu Munisipál Planeamentu Integradu no Dezenvolvimentu (PID).

𝙍𝙚𝙢𝙖𝙩𝙖

(𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢)

𝐋𝐨𝐬𝐩𝐚𝐥𝐨𝐬, 𝐓𝐞𝐫𝐬𝐚-𝐟𝐞𝐢𝐫𝐚, 𝟏𝟓 𝐉𝐮𝐥𝐥𝐮 𝟐𝟎𝟐𝟓

Autoridade Munisipál Lautém hamutuk ho funsionáriu sira organiza misa agradesimentu ba aniversáriu loron nasionál Funsaun Públika (FP) ba dala XI, ne’ebé dirije husi Pe. Venançio Fátima Freitas, SDB, hala’o iha Salaun Administrasaun Autoridade Munisipál Lautém.

Iha intervensaun, Sekretáriu Munisipál Assuntu Sosiais no Organizasaun Urbana, 𝐒𝐫. 𝐙𝐞𝐟𝐞𝐫𝐢𝐧𝐨 𝐝𝐨𝐬 𝐒𝐚𝐧𝐭𝐨𝐬 𝐒𝐞𝐪𝐮𝐞𝐢𝐫𝐚 hateten, ita hamutuk iha fatin ida ne’e hodi partisipa misa agradesimentu atu selebra ba loron Funsaun Publika (FP) nian.

Sekretáriu Munisipál Asuntu Sosiais no Urganizasaun Urbana esplika, importánsia husi Misa Agradesimentu ida ne’e, atu motiva funsionáriu sira no fó espíritu ba funsionáriu públiku sira, atu nune’e bele halo atendimentu di’ak ba ita-nia komunidade sira, espesiál iha komunidade sira iha Munisípiu Lautém. Tanba ida ne’e, nu’udar funsionáriu públiku tenke hala’o nia funsaun ho profisionál hodi halo transformasaun ba mudansa ruma iha Munisípiu Lautém, nune’e kada funsionáriu sira iha nia funsaun ida-idak, bainhira asumi kargu nu’udar funsionáriu publika bele halo atendimentu ne’ebé di’ak ho kualidade ba ita-nia komunidade sira.

Nune’e mós iha Homilia, 𝐏𝐞. 𝐕𝐞𝐧𝐚𝐧𝐜𝐢𝐨 𝐅á𝐭𝐢𝐦𝐚 𝐅𝐫𝐞𝐢𝐭𝐚𝐬, 𝐒𝐃𝐁, hatutan tan, objetivu prinsipál Misa Agradesimentu ida ne’e ba funsionáriu sira, ne’ebé hanesan mós uma kreda, tanba bainhira hala’o servisu ne’e hola parte iha misaun salvasaun nian.

Pe. salienta, Funsionáriu nia knaar funsiona ho servisu tenke hala’o buat ruma, tanba funsionáriu sira ne’ebé servisu presiza halo kolaborasaun ho planu salvasaun Maromak nian, tanba ita hotu hatene katak, Maromak santísimu trindade Aman Maromak ne’e kriadór.

Tanba ida ne’e ba funsionáriu Permanente, Ajente no kazuais sira hotu nu’udar funsionáriu hala’o knaar funsionáriu tenke servisu profisionál no responsabilidade ne’ebé nia karakter atu partilla lisaun Maromak nian, hahú husi kliner to’o kaer servisu boot hotu-hotu iha valór ne’ebé hanesan.

𝙍𝙚𝙢𝙖𝙩𝙖

(𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢)

𝐋𝐨𝐬𝐩𝐚𝐥𝐨𝐬, 𝐒𝐞𝐠𝐮𝐧𝐝𝐚-𝐟𝐞𝐢𝐫𝐚, 𝟕 𝐉𝐮𝐥𝐥𝐮 𝟐𝟎𝟐𝟓

Prezidente Mornington Peninsula Australia Friends of Lospalos, 𝐂𝐨𝐥𝐥𝐞𝐞𝐧 𝐇𝐚𝐦𝐦𝐨𝐧𝐝, lidera ekipa hala’o sorumutu ho Prezidente Autoridade Munisipál Lautém, hodi ko’alia kona-ba liña koordenasaun servisu nian, oinsá futuru ekipa refere bele fó asisténsia iha área hanesan Edukasaun, Saúde, Bee Mos, Agrikultura no Sosiu Ekonómiku iha Munisípiu Lautém, sorumutu ne’e hala’o iha aula Gabinete Prezidente Autoridade Munisipál Lautém.

Iha intervista, 𝐒𝐮𝐚. 𝐄𝐱𝐞𝐥é𝐧𝐬𝐢𝐚, Prezidente Autoridade Munisipál Lautém, 𝐒𝐫. 𝐌é𝐥𝐢𝐨 𝐝𝐞 𝐉𝐞𝐬𝐮𝐬, 𝐒𝐇, agradese ba komunidade sira husi Mornington Peninsula husi Australia nian ne’ebé hahú iha tinan kotuk to’o agora apoiu komunidade sira iha área Bee Mos no sira seluk iha Postu Administrativu Lospalos.

Prezidente Autoridade Munisipál Lautém subliña, durante amiga Mornington Peninsula Australia apoiu ba komunidade sira iha Postu Administrativu Lospalos, Postu Administrativu Iliomar iha Aldeia Larimi no Postu Administrativu Luro ne’ebé alarga ona ba Postu sira.

Tanba ida ne’e, nu’udar Prezidente Autoridade Munisipál Lautém, agradese tebes ba komunidade Mornington Peninsula husi Australia, ne’ebé ninia apoiu tomak hodi minimiza difikuldade komunidade sira iha área rurais, ho nune’e, Prezidente Autoridade Munisipál Lautém sujere ba komunidade Mornington Peninsula nafatin kontinua apoiu ba komunidade sira iha Munisípiu Lautém liuliu iha área rurais, tanba komunidade maioria moris iha rurais sei moris ho difikuldade oioin, ne’ebé Postu Administrativu 6 no kontinua fó asisténsia iha área Edukasaun, Bee Mos, Saúde, Agrikultura no Sosiu Ekonómiku.

Enkuantu, iha Postu Administrativu Lospalos, komunidade Mornington Peninsula hala’o ona sira nia atividade hanesan, dada Bee Mos ba komunidade sira iha Suku Souro Aldeia Omukanu, konstrui Sede Komunitária iha Suku Cacavein, konstrui Kampu Basket Bool iha Irara-Ara nune’e mós ajuda umanidade hahán hanesan sexta bázika ba komunidade sira bainhira mosu inundasaun.

Entretantu, Prezidente Mornington Peninsula Australia Friends of Lospalos, 𝐂𝐨𝐥𝐥𝐞𝐞𝐧 𝐇𝐚𝐦𝐦𝐨𝐧𝐝, hateten, ba oin ekipa Mornington Peninsula Australia Friends of Lospalos, bele kria ona amizade, nune’e ba oin sei komunikasaun nafatin ba Autoridade Munisipál Lautém hodi bele hala’o servisu hamutuk ho responde preokupasaun komunidade sira iha Munisípiu Lautém.

𝙍𝙚𝙢𝙖𝙩𝙖

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢

𝐋𝐨𝐬𝐩𝐚𝐥𝐨𝐬, 𝐒𝐞𝐠𝐮𝐧𝐝𝐚-𝐟𝐞𝐢𝐫𝐚, 𝟕 𝐉𝐮𝐥𝐥𝐮 𝟐𝟎𝟐𝟓

Ministériu Administrasaun Estatal (MAE) liu husi Diresaun Nasionál Apoiu Administrasaun Suku fo fomasaun no kapasita ba ofisiais Suku iha área Administrasaun no Asuntu Sosiais, oinsa bele intende Sistema Integradu Informasaun Gestaun Suku no Aldeia (SIIGSA) hodi asesu no halo koneksaun ba internet hodi bele hafasil atu transmite dadus mai iha Munisípiu no Nasionál, formasaun ne’e durante loron rua hahu iha loron Segunda-feira 7 Jullu no remata iha Tersa-feira 8 Jullu 2025, ne’ebé hala’o iha Salaun Administrasaun Autoridade Munisipál Lautém.

Iha intervensaun, reprezentante Prezidente Autoridade Munisipál Lautém, Sekretériu Munisipál Asuntu Sosiais no Organizasaun Urbana, 𝐒𝐫. 𝐙𝐞𝐟𝐞𝐫𝐢𝐧𝐨 𝐝𝐨𝐬 𝐒𝐚𝐧𝐭𝐨𝐬 𝐒𝐞𝐪𝐮𝐞𝐢𝐫𝐚, hateten, Ofisiais Suku Administrasaun no Sosial mai aprtisipa atividade Sistema Integradu Informasaun Gestaun Suku no Aldeia (SIIGSA) tanba ita nia dadus ne’ebe uniforme hodi atu atinje, tanba Sistema ne’ebe uluk instala ona iha komputador laran bele asesu no halo koneksaun ba internet hodi bele hafasil ita transmite ita nia dadus ne’e mai iha Munisípiu no Nasionál.

Reprezentante ne’e esplika, ekipa sira husi nasional mai atu fo formasaun no trenamentu ba ofisial Suku sira durante loron rua, nune’e ofisiais Suku sira akompana no hatene, tanba ne’e oportunidade ne’ebe diak tebes ba ofisiais sira, nune’e bainhira formasaun ida ne’e remata dadus sira ne’ebe liga ba Sistema ida ne’e laiha ona difikuldade.

Sekretáriu Munisipál Asuntu Sosiais no Organizasaun Urbana salienta, iha futuru ekipa sira husi Munisípiu no nasionál ba iha kada Suku la presiza ona haree iha livru sira ne’e, maibe hare de’it iha Sistema sira ne’e, oinsa bele haree dadus sira ne’ebe ofisiais sira iha.

Tanba ida ne’e, reprezentante Prezidente Autoridade Munisipál Lautém husu ba ofisiais Suku sira tuir formasaun ida ne’e tenke konsentrasaun ho masimu durante loron rua nia laran, tanba tekniku sira sei akompañia nafatin.

Aleinde ne’e mos husu ba ofisiais Xefe seksaun husi Postu Administrativu sira iha obrigasaun atu akompañia, bainhira formasaun ne’e remata iha terenu hasoru difikuldade ruma komunika IT Postu Administrativu tun ba iha kada Suku hodi atende no resolve ne’ebe difikuldade iha.

𝙍𝙚𝙢𝙖𝙩𝙖

(𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢)

𝐋𝐨𝐬𝐩𝐚𝐥𝐨𝐬, 𝐒𝐞𝐠𝐮𝐧𝐝𝐚-𝐟𝐞𝐢𝐫𝐚, 𝟕 𝐉𝐮𝐥𝐥𝐮 𝟐𝟎𝟐𝟓

Autoridade Munisipál Lautém, liu husi Sekretáriu Munisipál Administrasaun no Finansas reprezenta Prezidente Autoridade Munisipál Lautém, prezide Serimónia Içar Bandeira Nasionál ba fulan Jullu nian, hodi fó Ondra no Gloria ba Heroi no Martires sira, atividade serimónia Içar Bandeira Nasionál ne’e organiza husi IADE-CDE Lautém, Ministériu da Solidaridade Sosial no Inclução-CSSIML, SECOOP, SERVE I.P, MCI no Meiu Ambiente, ne’ebé hala’o iha resintu Administrasaun Autoridade Munisipál Lautém.

Iha intervensaun, reprezentante Prezidente Autoridade Munisipál Lautém, Sekretáriu Munisipál Finansas no Administrasaun, 𝐒𝐫. 𝐅𝐫𝐚𝐧𝐜𝐢𝐬𝐜𝐨 𝐝𝐨𝐬 𝐒𝐚𝐧𝐭𝐨𝐬, hateten, nu’udar funsionáriu públiku iha diretu no devér obrigasaun, atu kumpre oras servisu nian, tenke tama sai servisu ho pontualidade tuir oras ne’ebé determina ona, tanba Estadu selu funsionáriu uza povu nia osan, tanba ida ne’e tenke pontualidade servisu hodi nune’e bele serví povu no nasaun.

Aleinde ne’e mós reprezentante Prezidente Autoridade Munisipál Lautém husu ba funsionáriu sira tenke kumpre orientasaun ne’ebé tun ona, liuliu vestuariu no farda, tenke hatais tuir nia loron liuliu serimónia Icar Bandeira Nasionál ne’ebé kada fulan Autoridade Munisipál Lautém organiza nafatin.

𝙍𝙚𝙢𝙖𝙩𝙖

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢

𝐋𝐨𝐬𝐩𝐚𝐥𝐨𝐬, 𝐒𝐞𝐠𝐮𝐧𝐝𝐚-𝐟𝐞𝐢𝐫𝐚, 𝟑𝟎 𝐉𝐮ñ𝐮 𝟐𝟎𝟐𝟓

𝐒𝐮𝐚.𝐄𝐱𝐞𝐥é𝐧𝐬𝐢𝐚, Prezidente Autoridade Munisipál Lautém, nu’udar Prezidende Konsellu Konsultivu Munisipál (KKM) 𝐒𝐫. 𝐌é𝐥𝐢𝐨 𝐝𝐞 𝐉𝐞𝐬𝐮𝐬, 𝐒𝐇, realiza konvoka Sorumutu Konsellu Konsultivu Munisipál (KKM), iha Salaun Administrasaun Autoridade Munisipál Lautém.

Iha intervensaun, 𝐒𝐮𝐚.𝐄𝐱𝐞𝐥é𝐧𝐬𝐢𝐚, Prezidente Autoridade Munisipál Lautém, 𝐒𝐫. 𝐌é𝐥𝐢𝐨 𝐝𝐞 𝐉𝐞𝐬𝐮𝐬, 𝐒𝐇, hateten, sorumutu Konsellu Konsultivu Munisipal ida ne’e atu fo apresiasaun ba ajenda orden traballu hamutuk 4, hanesan “Estabelesimentu Postu Laivai, Fatin Estabelesimentu Asembleia Munisipál no Elaborasaun Planu Dezenvolvimentu Munisipál”, nune’e husu ba membru Konsellu Konsultivu Munisipal hotu atu konsidera ajenda 4 hodi bele tau hanoin hamutuk hodi halo diskusaun ne’ebé kle’an ba iha prosesu antes membru KKM fó apresiasaun.

Lider másimu iha Munisípiu Lautém informa ba membru Konsellu Konsultivu Munisipal (KKM) Lautem atu partisipa másimu iha reuniaun ne’e, tanba liu husi reuniaun ne’e mak bele deside destinu Povu no Dezenvolvimentu iha Munisípiu Lautém.

Votasaun Global ba ajenda 4 hanesan, Poupansa Orsamentu 2025, Estabelesimentu Postu Laivai, Elaborasaun Planu Dezenvolvimentu Munisipál 2025 no Estabelesimentu Fatin Asembleia Munisipál, ne’e hetan aprovasaun husi membru KKM ho Votus AFavor (28), Kontra (0) no Abstensaun (1).  Enkuantu ajenda primeiru aprezentasaun proposta no rekomendasaun husi membru Konsellu Konsultivu Munisipál (KKM), ne’ebé relasiona ho Planu Utilizasaun Orsamentu Poupansa iha verbál kapitál dezenvolvimentu PDIM 2025, ne’ebé aprezenta husi Diretor Servisu Munisipál no hetan aprovasaun husi membru KKM ho Votus AFavor (27), Kontra (0) no Abstensaun (2).

Enkuantu, aprezentasaun ajenda Estabelesimentu Postu Laivai, ne’ebé esplikasaun husi Prezidente Autoridade Munisipál Lautém liga ho kestaun Politika no rekezitu ba estabelesimentu Postu Laivai tuir dekretu Lei no regra diploma legál ne’ebé relevante no orientasaun husi nivel nasionál. Ajenda Estabelesimentu futuru asembleia Munisípal, votasaun ba proposta fatin entre baliza Postu Lautém no Postu Lospalos hodi utiliza ba futuru konstrusaun edifísiu asembleia Munisipál ho vostu AFavor (27 0 Kontra (0) no Abstensaun (0).

Enkuantu, aprezentasaun elaborasaun Planu dezenvolvimentu Munisipál Lautém, iha aprezentasaun, Prezidente Autoridade Munisipál Lautém subliña, planu ida ne’e mai husi orientasaun MAE atu Munisípiu hotu-hotu tenke iha planu dezenvolvimentu Munisipál ne’ebé atualiza ba períodu 2025 no 2030 nian, nune’e Prezidente Autoridade Munisipál Lautém estabelese ona Komisaun elaborador PDIM Munisípiu Lautém ne’ebé atualmente ekipa iha hela faze rekolla dadus, nune’e PDIM sei foku ba pilar dezenvolvimentu hamutuk 4, hanesan Pilar Dezenvolvimnetu kapitál sosiál, dezenvolvimentu Ekonomiku, dezenvolvimentu infraestrutura báziku no dezenvolvimentu fortalesimentu institusionál, ne’ebé ho votus AFavor (27), Kontra (0) no Abstensaun (0). no ajenda ikus aprezentasaun proposta utilizasaun orsamentu poupansa 2025, ne’ebé aprezenta husi Diretor Servisu Munisipál, votasaun ba apresiasaun ba relatoriu ezekusaun poupansa orsamentu A-Favor (27), Kontra (0) no Abstensaun (0).

Iha sorumutu Konsellu Konsultivu Munisipal (KKM) partisipa husi membru Konsellu Konsultivu Munisipál, membru Konsellu Koordenasaun Munisipál, ne’ebe kompostu husi Administrador Postu 6, Xefe Suku 34, Reprezentantes Organizasaun Sira, Reprezentantes Veteranu & Rede Feto , Reprezentantes Juventude & Seitor Privadu-CCI, reprezentante partidu polítiku ne’ebé asentu iha Parlamentu Nasionál no marka prezensa mós Komisaun Organizadora Estabelesimentu Postu Laivai no membru sira seluk ne’ebé envolve iha KKM.

𝙍𝙚𝙢𝙖𝙩𝙖

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢

Lospalos, Tersa-feira, 24 Juñu 2025

Ministériu Negósiu Estranjeiru no Kooperasaun (MNEK), liu husi Diresaun Jerál Asuntu ASEAN servisu hamutuk ho Ministériu Administrasaun Estatal (MAE) realiza sosializasaun kona-ba kampaña nasionál ho tema “𝐃𝐀𝐋𝐀𝐍 𝐁𝐀 𝐀𝐒𝐄𝐀𝐍” ne’ebé hetan fundus husi União Europeia, sosializasaun ne’e sei aprezenta matéria pilár tolu hanesan, Seguransa, Ekonómia no Sosiu Kultural, nune’e partisipante sira bele intende oinsá Timor-Leste bele adere ba ASEAN hodi bele hetan nia benefísiu, nune’e mós Timor-Leste atu kontribui bainhira sai membru ASEAN iha futuru, enkuantu sosializasaun ne’e hetan abertura husi 𝐒𝐮𝐚. 𝐄𝐱𝐞𝐥é𝐧𝐬𝐢𝐚, Prezidente Autoridade Munisipál Lautém, ne’ebé hala’o iha Salaun Administrasaun Autoridade Munisipál Lautém.

Iha intervensaun, Sua. Eselénsia, Prezidente Autoridade Munisipál Lautém, 𝐒𝐫. 𝐌é𝐥𝐢𝐨 𝐝𝐞 𝐉𝐞𝐬𝐮𝐬, 𝐒𝐇, hateten, hamutuk iha fatin ida ne’e atu partisipa desiminasaun kona-ba Kampañia Nasionál Dalan ba ASEAN, tanba kampaña nasionál ne’ebé planeia no programa husi Ministériu Negósiu Estranjeiru no Kooperasaun (MNEK) servisu hamutuk ho Ministériu Administrasaun Estatal (MAE). Responsavel másimu iha Munisípiu Lautém, konvida partisipante sira, tuir sosializasaun ida ne’e ho atentu didi’ak, ne’ebé ekipa MNEK sira sei aprezenta, ho nune’e ekipa refere sei aprezenta iha aspetu Tolu mak hanesan Ekonómiku, Seguransa no Sosiu Kultural. Tanba ida ne’e, Prezidente Autoridade Munisipál Lautém reafirma, durante iha aprezentasaun maka difikuldade no sujestaun ruma bele hato’o ba ekipa sira, tanba sosializasaun ida ne’e sei fó tempu ba partisipante sira atu husu no hato’o ninia preokupasaun no sujestaun, nune’e ekipa sira bele esplika detallu liu ba asuntu Ekonómiku, Seguransa no Sosiu Kultural.

Iha fatin hanesan, reprezentante Diretor Jerál Asuntu ASEAN iha MNEK, 𝐒𝐫. 𝐒𝐢𝐝𝐨𝐧𝐢𝐨 𝐌𝐚𝐫𝐭𝐢𝐧𝐬, hatutan, Kampaña Nasionál kona-ba ASEAN ho tema “Dalan ba ASEAN” hanesan programa nasionál ida ne’ebé lansa ona husi Governu Timor-Leste iha fulan Marsu liu ba tinan ida ne’e.

Nia esplika, Kampaña Nasionál ida ne’e iha inisiativa husi Ministériu Negósiu Estranjeiru no Kooperasaun (MNEK) ne’ebé servisu hamutuk ho Ministériu Administrasaun Estatal (MNEK) ne’ebé hetan apoiu finanseiru husi União Europeia.

Diretor ne’e subliña, objetivu ba sosializasaun kona-ba Kampaña Nasionál “𝐃𝐚𝐥𝐚𝐧 𝐛𝐚 𝐀𝐒𝐄𝐀𝐍” ida ne’e oinsá Povu iha timor laran tomak presiza atu hatene kona-ba saida mak ASEAN, benefísiu saida mak ASEAN sei lori mai iha Timor-Leste no saida mak Timor-Leste bele kontribui ba ASEAN bainhira adere ba ASEAN, no atu atualiza servisu Governu nian, relasiona ho progresu Implementasaun roteiru ASEAN nian, ne’ebé adaptadór iha tinan 2023. Entretantu, Sosializasaun ne’e hahu hala’o lansamentu iha fulan Marsu iha Ministériu Negósiu Estranjeiru no Kooperassaun (MNEK), husi Vise-Primeiro Ministro, Ministro Koordenador Asuntu Ekonómikus no Ministro Turismu no Ambiente, 𝐅𝐫𝐚𝐧𝐜𝐢𝐬𝐜𝐨 𝐊𝐚𝐥𝐛𝐮𝐚𝐝𝐲 𝐋𝐚𝐲.

𝙍𝙚𝙢𝙖𝙩𝙖

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢

𝐋𝐨𝐬𝐩𝐚𝐥𝐨𝐬, 𝐒𝐞𝐠𝐮𝐧𝐝𝐚-𝐟𝐞𝐢𝐫𝐚, 𝟐𝟑 𝐉𝐮ñ𝐮 𝟐𝟎𝟐𝟓

Nonu Governu Konstituisionál, liu husi Ministériu Planeamentu no Investimentu Estratejiku (MPIE) akompaña husi Sekretáriu Estadu Dezenvolvimentu Lokál (SEDL), ne’ebé reprezenta Ministru Administrasaun Estatal (MAE), ofisiálmente entrega Plano Munisipál Ordenamento Território (PMOT), ba Prezidente Autoridade Munisipál Lautem, ho objetivu atu asegura no promove dezenvolvimentu estrategiko, integradu no sustentavel territóriu Munisipio Lautem nian, atu asegura iha simultaniu defeza no valorizasaun patrimóniu kulturál no natural ne’ebe mak existe iha Munisípiu Lautém, actividades ne’e hala’o iha Salaun Administrasaun Autoridade Munisipál Lautem.

Iha Diskursu, 𝐒𝐮𝐚. 𝐄𝐬𝐞𝐥é𝐧𝐬𝐢𝐚, Prezidente Autoridade Munisipál Lautém Lautém, 𝐒𝐫. 𝐌é𝐥𝐢𝐨 𝐝𝐞 𝐉𝐞𝐬𝐮𝐬, 𝐒𝐇, hatete, relatóriu Planu Ordenamentu no Territorial ida ne’e, nu’udar dokumentu estratéjiku importante ida, hodi hatudu vizaun no orientasaun klaru kona-ba dezenvolvimentu ne’ebe halao territóriu Munisípiu Lautém iha maneira ne’ebé ordenadu sustentavel no inkluzivu.

Lider másimu iha Munisípiu Lautém subliña, relatóriu ida ne’e konsidera nu’udar rezultadu koletivu husi prosesu partisipativu inklui konsultasaun ho parte relevante kontribuisaun tékniku husi servisu Munisipál no koordenasaun servisu ho entidade relevante sira. Tanba iha relatóriu ida ne’e hatudu kuadru estratéjiku no modelu ordenamentu territóriu Lautém ne’ebé konstitui identifikasaun grande unidade territoriál, identifikasaun elementu dominante Sistema Biofisiku, identifikasaun Sistema Porlamentu, identifikasaun Sistema infraestrutura no ekipamentu no identifikasaun Sistema produtivu, ne’ebé respeita prinsípiu ordenamentu territoriál no ejize koordenasaun no entre nivel lokál, setór públiku no setór privadu.

S.E. Ministru Planeamentu no Investimentu Estratejiku (PMOT) Eng. Gastão Francisco de Sousa,  esplika, PMOT ida ne’e dezenvolve liu husi prosesu naruk ejijente no partisipativu, ne’ebé envolve husi Autoridade Munisipál Komunidade lokál, tékniku sira husi setór privadu, lideres tradisionál, sosiedade sivíl, reprezentante partidu polítiku sira ne’ebé asentu iha Parlamentu Nasional no Korpu Relijiozu. PMOT ida ne’e hanesan pilár fundamentu ida atu garantia dezenvolvimentu ne’ebé ekilíbriu justu no sustentavel ba ita-nia rai, iha sentidu ida ne’e mak Nonu Governu Konstituisionál fo prioridade tebes ba polítika nasionál ba ordenamentu territóriu. Tanba ida ne’e husu ba Diretor Servisu Munisipal presiza servisu ne’ebé másimu, no liu husi instrumentu ba planu ordenamentu, mak polítika ida ne’ebé bele konkretiza iha terenu, atu orienta investimentu públiku lokalizadu ba servisu públiku no infraestrutura protesaun ba rekursu naturais no atu promove atividade ekonómiku no sosiál ida ne’ebé bele respeita territóriu no hadi’a kualidade moris ba ema hotu.

Ministru mós agradese no louva ba kontribuisaun ne’ebe halao husi Autoridade municipal hodi organija no Planeia Planu Ordenamento territorio iha Munisipio Lautem, tamba Planu Ordenemento sei sai Padraun Planu Administrasaun Munisipál nian. Hare husi inisiativa grupu traballu Munisipál ne’ebé konstitui atu fó apoiu ba dezenvolvimentu nu’uda komprimitidu ida ba iha prosesu Desenvolvimento hahú husi faze inísiu diagnóstiku nian to’o faze finál diskusaun publika,. Enkuantu Ministru mós fó agradesimentu ba komunidade no lideres sira hotu, ne’ebé partisipativu liuliu ideia kritika no proposta sira.

PMOT kontribui papél importante ida iha desentralizasaun administrativu, ne’ebé agora daudaun, la’o hela iha Timor laran tomak, papél sira ne’e maka hanesan Planu ne’ebé permite futuru podér lokál iha instrumentu legál tékniku no estratéjiku.

S.E. Sekretáriu Estadu Dezenvolvimentu Lokál (SEDL), 𝐒𝐫. 𝐌𝐚𝐭𝐞𝐮𝐬 𝐖. 𝐝𝐨𝐬 𝐬𝐚𝐧𝐭𝐨𝐬 𝐓𝐚𝐥𝐥𝐨, ne’ebé reprezenta Ministru Administrasaun Estatal (MAE), iha nia diskursu Subliña, Planu Munisipál Ordenamentu territóriu (PMOT), nia funsaun la’ós de’it kestaun ita organiza uma ka hela fatin ou edifísiu sira, estrada, parke ka infraestrutura sira seluk. Presiza hanoin katak PMOT ne’e hanesan planu estratéjiku ida ne’ebé sai instrumentu ka matadalan ba kresimentu, jestaun ba rekursu sira ne’ebé reflete valores no mós aspirasaun husi ita-nia povu sira iha Munisipiu Lautem ne’e.

Ikus liu SEDL mós enkoraja PAM Lautem ho ninia estrutura tomak atu labele husik de’it PMOT hanesan dokumentu ida maibé konsidera hanesan referénsia atu konsulta regularmente iha sira nia lideransa no jestaun. “Ami sei kontinua fo apoiu nafatin ba imi bainhira imi presiza no ita hotu hein istória susesu barak husi Munisípiu Lautem iha tinan hirak tuir mai” hateten membru governu ne’e.

𝙍𝙚𝙢𝙖𝙩𝙖

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢

𝐋𝐨𝐬𝐩𝐚𝐥𝐨𝐬, 𝐒𝐞𝐠𝐮𝐧𝐝𝐚-𝐟𝐞𝐢𝐫𝐚, 𝟐𝟑 𝐉𝐮ñ𝐮 𝟐𝟎𝟐𝟓

Prezidente Autoridade Munisipál Lautém, akompaña ho Responsavel 𝐑𝐨𝐭𝐚𝐫𝐲 𝐂𝐥𝐮𝐛 𝐀𝐮𝐬𝐭𝐫𝐚𝐥𝐢𝐚 𝐌𝐫. 𝐌𝐚𝐱 𝐁𝐢𝐫𝐝, inaugurasaun ba projetu Be Moos, ne’ebé apoiu husi ekipa Rotary Club Australia, hodi apoiu estudante no komunidade sira, atu nune’e estudante no komunidade sira konsumu bele iha saude ne’ebé di’ak, tanba filtru ida ne’e bele oho no hasai bakteria to’o 99%, nune’e bainhira estudante sira konsumu Be ida ne’e sira bele hetan isin di’ak, hodi bele iha oksizeniu ne’ebe forti atu sira bele saude ne’ebé di’ak, inaugurasaun ne’e hala’o iha Eskola Ensinu Báziku Central (EBC) Lospalos.

Iha intervensaun, 𝐒𝐮𝐚. 𝐄𝐬𝐞𝐥é𝐧𝐬𝐢𝐚, Prezidente Autoridade Munisipál Lautém, 𝐒𝐫. 𝐌é𝐥𝐢𝐨 𝐝𝐞 𝐉𝐞𝐬𝐮𝐬, 𝐒𝐇, lori Eskola 4 ne’ebé hetan ona Projetu Be Moos nia naran agradese ba Rotary Club Australia, ne’ebé apoiu estudante no komunidade sira ne’ebé durante menus atu asesu ba Bee Moos hodi konsumu Be Moos, tanba Be Moos ida ne’e diretamente hemu husi ninia Posu.

Tanba ida ne’e, nu’udar Prezidente Autoridade Munisipál Lautém lori Povu Munisípiu Lautém nia naran agradese ba Ekipa Rotary Club ne’ebé apoiu komunidade sira iha Munisípiu Lautém, liuliu iha ami nia estudante sira iha eskola, tanba ida ne’e nu’udar Prezidente Autoridade Munisipál Lautém, husu nafatin apoiu husi ekipa Rotary Club Australia, atu kontinua nafatin hodi fó asisténsia ba komunidade sira iha área rurais ne’ebé seidauk asesu Be Moos ho dignu.

Prezidente Autoridade Munisipál Lautém husu ba Diretor no estudante sira Eskola 4 ne’ebé hetan ona Be Mos husi Rotary Club, atu kuidadu no responsabilidade ba Filtru sira ne’ebé Rotary Club apoiu no instala, nune’e nafatin fo hanoin ba estudante sira atu kuidadu nafatin sasán sira ne’ebé hetan apoiu, atu nune’e apoiu sira ne’e bele dura to’o tempu naruk hafoin halo nia manutensaun.

Enkuantu, responsavel Munisípiu Lautém husu ba ekipa Rotary Club bele halo planu no Programa mai dezenvolvimentu iha área setór produtivu rua Agrikultura no Turismu, tanba ida ne’e husu apoiu ekipa Rotary Club hodi apoiu husi aspetu rua ne’e ba komunidade, nune’e komunidade bele bok an nune’e bele sustentabilidade ekonomia iha Munisípiu Lautém.

Iha fatin hanesan, Responsavel 𝐑𝐨𝐭𝐚𝐫𝐲 𝐂𝐥𝐮𝐛 𝐀𝐮𝐬𝐭𝐫𝐚𝐥𝐢𝐚 𝐌𝐫. 𝐌𝐚𝐱 𝐁𝐢𝐫𝐝, hatutan, ekipa Rotary Club Australia instala ona 34 Filtru, ne’ebé fornese ona Be Moos ba kuaze 40 Mil estudante no komunidade sira asesu ona ba Be Moos ida ne’e, iha fulan Juñu ida ne’e instala tan 11, Be Moos ida ne’e tuir esperiénsia ne’ebé maka ami monta iha India, iha nasaun Butan tanba Filtru ida ne’e bele oho no hasai baktéria 90% tanba ne’ebé sai mai ne’e Be Moos, bainhira estudante sira Hemu Be Moos bele hetan isin di’ak.

Responsavel Rotary Club ne’e esplika, agora instala ona Be Moos hamutuk Munisípiu 5 mak hanesan, Munisípiu Díli, Maliana, Baucau, Lautém, no Manufahi ne’ebé Rotary Club instala Filtru 34, aleinde iha 34 ne’e hamutuk 9 mak instala iha Eskola Públika, no restante iha eskola privadu inklui orfanatu sira, iha Munisípiu Lautém hamutuk Hat (4) hanesan Eskola Sekundária Jerál Lere Anan Timur Lospalos, Eskola Sekundária Jerál Postu Lautém, Eskola Tékinku Vokasionál (ESV), Lospalos no Ensinu Báziku Central Lospalos.

𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢