Lospalos, Tersa-feira, 26 Maiu 2026
Komisaun Nasionál Eleisoens (CNE) kontinua promove Edukasaun Sívika ba Eleitor no partidu polítiku sira iha Munisípiu Lautém ho tema “Promove Partisipasaun Sidadaun Eleitor sira ho Inkluzivu iha Eleisaun haktuir Prinsipiu luta ba Libertasaun Nasionál Timor-Leste” ne’ebé hala’o iha Salaun CNE Hitihula Munisípiu Lautém.
Iha intervensaun Xefe Gabinete
ne’ebé reprezentante Prezidente Autoridade Munisipál Lautém, Sr. Ze Meigo Neto hateten oportunidade ida ne’e ita bele rona oinsá fo informasaun ida ne’ebé di’ak ba sosiedade sira liuliu iha Munisípiu Lautém ne’ebé iha ona diretu atu partisipa iha Eleisaun tuir mai.
Nune’e Xefe Gabinete fundamenta, Exelénsia Prezidente Autoridade Munisipál Lautém iha komitmentu oinsá bele koopera no kolabora ba kualker atividade ne’ebé komisaun no entidade sira hala’o iha Munisípiu Lautém.
Tanba ida ne’e mak loron ohin ne’e loron importante ba ita hotu ne’ebé partisipa Enkontru Edukasaun Civika, nune’e mos ita bele rona Historia kona-ba Salaun CNE ninia Semináriu ne’ebé Orador mai husi Coronel Punufanu no Major Jenerál João Miranda “ALUC DESCARTES” kona-ba Salaun Mini Hitihula CNE Munisípiu Lautém.
iha fatin hanesan, Prezidente Comisaun Nasionál Eleisoens (CNE) José Belo hatutan, hamutuk iha fatin ida ne’e hodi partisipa informasaun relasiona ho sidadaun sira ne’ebe iha ona diretu atu partisipa Eleisaun tuir mai, nune’e formasaun sira ne’e.
Tanba ida ne’e Komisariu CNE iha Kompeténsia no kapasidade kontaktu ho CMCLN Munisípiu Lautém hodi buka naran Historia ne’ebe fó valor ba ita hotu hodi labele haluha nune’e liu husi desizaun ne’ebe mai husi Prezidente CMCLN Munisípiu Lautém fo naran Hitihula.
Prezidente Comisaun Nasionál Eleisoens realsa tan, Edukasaun Civika CNE nian, la’os de’it ko’alia kona-ba votasaun no la’os de’it ita atu partisipa eleisaun, maibe ita forma ema atu muda sira nia hanoin evolusun ne’ebe la’o oinsa ema bele komprende hanesan sidadaun ida, politika ida hanesan ema ne’ebe kontribui ba konstrui rai ida ne’e.
Tanba ida ne’e mak formasaun ida ne’e Hitihula nian, formasaun ne’e baze importante, tanba formasaun Hitihula ne’e sai inisiu importante tanba ema la’os de’it kaer kilat atu tiru, maibé tiru ho responsabilidade.
Média PAM-Lautém
Díli, Tersa-feira, 26 Maiu 2026
Exelénsia, Prezidente Autoridade Munisipál Lautém Sr. Mélio de Jesus SH akompaña ho Sekretáriu Munisipál Administrasaun no Finansas, Sekretáriu Munisipál Planeamentu Investimentu no Dezenvolvimentu Integradu (PIDI) Sekretáriu Munisipál Assuntu Sosiais no Organizasaun Komunitária hamutuk ho Diretor/a Servisu Munisipál sira partisipa reuniaun kona-ba Konsellu Koordenasaun Territorial (KKT), ne’ebé organiza husi Ministeriu Administrasaun Estatal (MAE).
Reuniaun Konsellu Koordenasaun Territorial ne’e abertura husi Sua Exelénsia Primeiru Ministru (PM-RDTL) Kay Rala Xanana Gusmão, akompaña ho Exelénsia Ministru Administrasaun Estatál, (MAE) Dr. Tomás do Rosário Cabral.
Durante Reuniaun Konsellu Koordenasaun Territorial ne’ebé lideradu husi Sua Exelensia, Primeiru Ministru (PM-RDTL) Kay Rala Xanana Gusmão, iha reuniaun ne’e diskute ho asuntu importante sira kona-ba dezenvolvimentu no administrasaun lokál, nune’e reuniaun KKT importante atu garante prosesu governasaun lokál, transparente no responde ba nesesidade komunidade nian.
Objetivu husi Konsellu Kordenasaun Territorial (KKT) mak atu sai hanesan forum Konsultasaun no Koordenasaun entre Governu Sentral, Autoridade Munisipál no estrutura lokál sira, hodi asegura Planeamentu no Dezenvolvimentu Territóriu la’o ho di’ak no responde ba nesesidade komunidade sira nian.
Média PAM-Lautém
𝐋𝐨𝐬𝐩𝐚𝐥𝐨𝐬, 𝐒𝐞𝐱𝐭𝐚-𝐟𝐞𝐢𝐫𝐚, 𝟏𝟓 𝐌𝐚𝐢𝐮 𝟐𝟎𝟐𝟔
𝐄𝐱𝐞𝐥é𝐧𝐬𝐢𝐚 Prezidente Autoridade Munisipál Lautém, Komandante Polísia Nasionál Timor-Leste (PNTL) Munisípiu Lautém, Sekretáriu Munisipál Planeamentu Investimentu no Dezenvolvimentu Integradu (PIDI) Sekretáriu Munisipál Assuntu Sosiais no Organizasaun Komunitária, Segundu Komandante Polísia Nasionál Timor-Leste (PNTL) Munisípiu Lautém akompaña ho Diretor/a Servisu Munisipál hamutuk ho Kompañia hahú harii ona Ai Rin Boot hamutuk 4 (Hat) ba Uma Adat Lê Jiawal nian iha Munisípiu Lautém.
Antes atu hahú harii Ai Rin Boot 4 (Hat) Uma Adat Lê Ziawal nian, primeiru iha serimónia rituál ne’ebé lidera husi Lia na’in Suku Fuiloro, 𝐒𝐫. 𝐅𝐫𝐚𝐧𝐜𝐢𝐬𝐜𝐨 𝐝𝐢𝐚𝐬 𝐐𝐮𝐢𝐧𝐭𝐚𝐬, husi rituál ne’e hanesan hameno, tesi hudi kain no haree fahi nia aten, ne’ebé hatudu Ai Rin 4 (Hat) ba Uma Adat ida ne’e metin ba tempu naruk nune’e mós Tekniku sira husi Kompana ne’e servisu sei la hetan asidente ruma to’o Konstrusaun Uma Adat ne’e remata.
Iha intervista 𝐄𝐱𝐞𝐥é𝐧𝐬𝐢𝐚, Prezidente Autoridade Munisipal Lautem 𝐒𝐫. 𝐌é𝐥𝐢𝐨 𝐝𝐞 𝐉𝐞𝐬𝐮𝐬 𝐒𝐇 hateten, Autoridade Munisipál Lautém ohin hamutuk ho tékniku sira husi Kompañia ISME’S LIBEROSIS Unip Lda harii fali Ai Rin Bot ka “Tutu Kaka” hamutuk 4 (Hat), hodi konstrui fali Uma Adat Lê Ziawal iha Munisípiu Lautém nian.
Tanba Uma Adat Munisípiu Lautém nian nu’udar símbolu no identidade nasionál Timor-Leste nian ne’ebé ema hotu hatene, nune’e Governu lokál nia polítika no Planu liu husi Programa Planu Dezenvolvimentu Integradu Munisipál (PIDI) atu konstrui filafali Uma Adat Lê Ziawal.
Enkuantu, Projetu Uma Adat ida ne’e husi Planu Dezenvolvimentu Integradu Munisipal (PDIM) 2024 nian ne’ebé kompañia ISME’S LIBEROSIS Unip Lda mak kona, maibé prosesu kleur tanba difikulta husi Ai Riin 4 (Hat) ho ida ne’e esforsu husi kompañia bele konsege hetan Ai Riin hanesan Ai Besi no Ai Bubur no materiál sira seluk hodi konstrui Uma Adat.
Serimónia kulturál “Ai Rin Boot” ka lian materna Fatalutuk ‘Lutu Kaka’ tanba Ai Rin haat ne’ebé apoia Uma leten ne’e nu’udar pilár ka fundasaun prinsipál ba Uma Adat. Prosesu to’o hamriik Ai-Rin boot ne’e la’os servisu fíziku de’it, maibé akompaña ho rituál ruma, hanesan fó han bei’ala sira no rituál fakar raan animál nian nu’udar sasin ba sagradu no husu lisensa.
Projetu Uma Adat responsavel husi kompañia lokál ISME’S LIBEROSIS Unip Lda ho valór Orsamentu hamutuk $91,592.48.
𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢
𝐋𝐨𝐬𝐩𝐚𝐥𝐨𝐬, 𝐊𝐮𝐚𝐫𝐭𝐚-𝐟𝐞𝐢𝐫𝐚, 𝟐𝟎 𝐝𝐞 𝐌𝐚𝐢𝐨 𝟐𝟎𝟐𝟔
Autoridade Munisipál Lautém hamutuk ho Povu Munisípiu Lautém tomák hala’o selebrasaun loron Restaúrasaun Independénsia Repúblika Demokrátika de Timor-Leste (RDTL) ba dala 24° 20 de Maio 2002 no 20 de Maio 2026 iha Munisípiu Lautém, ne’ebé hala’o iha Kampu 28 Novembru Lospalos Vila.
Serimónia selebrasaun Loron Restaúrasaun Independénsia iha Munisípiu Lautém 𝐄𝐱𝐞𝐥é𝐧𝐬𝐢𝐚 Prezidente Autoridade Munisipál Lautém 𝐒𝐫 𝐌é𝐥𝐢𝐨 𝐝𝐞 𝐉𝐞𝐬𝐮𝐬 𝐒𝐇 ba inspectur da cerimonia hodi hala’o inspesaun parada kontinua lidera 1 (um) minutu de silensiu.
Hafoin Içar Bandeira Nasionál kontinua rona diskursu husi 𝐒𝐮𝐚 𝐄𝐱𝐞𝐥é𝐧𝐬𝐢𝐚 Prezidente da Repúblika Dr. José Ramos Horta liu husi transmisaun direta husi Radio Televisaun Timor-Leste (RTTL) iha Tasi Tolu Díli.
Iha intervista, 𝐄𝐱𝐞𝐥é𝐧𝐬𝐢𝐚, Prezidente Autoridade Munisipál Lautém 𝐒𝐫 𝐌é𝐥𝐢𝐨 𝐝𝐞 𝐉𝐞𝐬𝐮𝐬 𝐒𝐇 ho Povu Munisípiu Lautém nia naran hakarak parabens ba Povu hotu iha Timor-Leste, espesial iha Povu Munisípiu Lautém tomák ne’ebe ohin festeza ba loron Komemorasaun Restaúrasaun Independénsia ba dala 24° 20 de Maio 2026 ho tema “𝙟𝙪𝙣𝙩𝙤𝙨 𝙘𝙤𝙣𝙨𝙩𝙧𝙪𝙞𝙧𝙚𝙢𝙤𝙨 𝙪𝙢𝙖 𝙥á𝙩𝙧𝙞𝙖 𝙘𝙖𝙙𝙖 𝙫𝙚𝙯 𝙢𝙖𝙞𝙨 𝙟𝙪𝙨𝙩𝙖, 𝙞𝙣𝙘𝙡𝙪𝙨𝙞𝙫𝙖 𝙚 𝙧𝙚𝙨𝙞𝙡𝙞𝙚𝙣𝙩𝙚”.
Lider másimu iha Munisípiu Lautém, esplika Restaúrasaun Independénsia ba tinan ida ne’e hodi ita atu halo refleksaun, ba atividade ne’ebé durante hala’o iha tinan 24 nia laran iha prosesu Restaúrasaun Independénsia.
Iha ámbitu Komemorasaun lider másimu iha Munisípiu Lautém konvida Lautém oan sira ne’ebé tutela iha servidór Estadu, instituisaun Estadu, Organizasaun Naun Governamentais Sosiedade Sivil, Relijiozu no Reliziosa, Veteranu/a no família mártir tomák tenke kria unidus, neon ida, hahalok ida, hanoin ida hodi kontribui ba prosesu dezenvolvimentu, nune’e bele lori Povu husi kiak no mukit.
Responsavel Munisípiu Lautém salienta liu tan, unidade mak sai xavi ba prosesu dezenvolvimentu hodi bele alkansa objetivu komum ne’ebé uluk Aswain sira luta hodi rai ne’e sai Independente.
Enkuantu, Komemorasaun Loron Históriku ne’e, Governu kada tinan selebra hodi anima Povu atu relembra hikas memória Povu Timor-Leste nia sakrifísiu no luta durante tinan barak hodi atinje vitoria ba ukun rasik an.
𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢
𝐋𝐨𝐬𝐩𝐚𝐥𝐨𝐬, 𝐓𝐞𝐫𝐬𝐚-𝐟𝐞𝐢𝐫𝐚, 𝟏𝟗 𝐌𝐚𝐢𝐮 𝟐𝟎𝟐𝟔
Prezidente Komisaun Organizadora (KO) liu husi seksaun liturjia organiza Misa Agradesimentu hodi komemora loron Restaurasaun Independénsia ba dala 24 20 Maiu 2002-20 Maiu 2026 misa agradesimentu ne’e dirije husi 𝐏𝐞. 𝐉𝐮𝐬𝐭𝐢𝐧𝐢𝐚𝐧𝐨 𝐝𝐞 𝐒𝐨𝐮𝐬𝐚 𝐒𝐃𝐁 hala’o iha Parókia São Paulo Lospalos.
Iha ámbitu Komemorasaun Loron Restaúrasaun Independénsia 20 de Maiu, atividade ba loron ohin mak Misa agradesimentu ne’ebé partisipa husi Autoridade Munisipál Lautém hamutuk ho funsionáriu no komunidade sira.
Hafoin remata misa aniversáriu Restaurasaun Independénsia Timor-Leste ba dala-24 iha Parokia São Paulo Lospalos, Autoridade Munisípiu Lautém nafatin hamutuk ho funsionáriu no komunidade sira kontinua kedas ba Jardim dos Heróis e Mártires da Pátria Lospalos hodi tau ai-funan no sunu lilin.
Média PAM-Lautém
𝐋𝐨𝐬𝐩𝐚𝐥𝐨𝐬, 𝐊𝐢𝐧𝐭𝐚-𝐟𝐞𝐢𝐫𝐚, 𝟏𝟒 𝐌𝐚𝐢𝐮 𝟐𝟎𝟐𝟔
𝐄𝐱𝐞𝐥é𝐧𝐬𝐢𝐚, Prezidente Autoridade Munisipál Lautém Lautem 𝐒𝐫. 𝐌é𝐥𝐢𝐨 𝐝𝐞 𝐉𝐞𝐬𝐮𝐬 𝐒𝐇 hamutuk ho Prezidente Autoridade Protesaun Civil (APC) . 𝐒𝐫. 𝐉𝐞𝐬𝐮í𝐧𝐨 𝐝𝐨𝐬 𝐑𝐞𝐢𝐬 𝐝𝐞 𝐌𝐚𝐭𝐨𝐬 𝐂𝐚𝐫𝐯𝐚𝐥𝐡𝐨 no Komandante Polísia Nasionál Timor-Leste (PNTL) Munisípiu Lautém, Superientedente Xefe Polísia 𝗔𝗻𝘁𝗼𝗻𝗶𝗼 𝗥𝗲𝗴𝗼 𝗙𝗲𝗿𝗻𝗮𝗻𝗱𝗲𝘀 hala’o distribuisaun materiál konstrusaun no orsamentu maun de obra ba benefisiáriu sira hamutuk na’in 54 pessoas ne’ebé hetan insediu hanesan rai halai hanehan uma, ai hanehan uma, ai han uma no anin sobu uma ne’ebé ho kategoria aat totál, at kaman no aat natoon iha tinan 2024 no 2025 iha Munisípiu Lautém, distribuisaun ne’e hala’o iha Salaun GOR Lospalos.
Iha distribuisaun, benefisiáriu sira mai husi, Postu Administrativu Iliomar hamutuk na’in 21 (Rua Nulu Resin Ida), Postu Administrativu Lautém hamutuk na’in 13 (Sanulu Resin Tolu), Postu Adminstrativu Lospalos hamutuk na’in 10 (Sanulu), Postu Administrativu Luro hamutuk na’in 8 (Ualu), no Postu Administrativu Lore hamutuk na’in 2 (Rua), ne’ebé hetan estragus ho tipu dezastre naturais mak hanesan kondisaun aat kaman 4, aat totál 10 no aat naton 3.
Iha intervensaun, 𝐄𝐱𝐞𝐥é𝐧𝐬𝐢𝐚 Prezidente Autoridade Munisipál Lautém 𝐒𝐫. 𝐌é𝐥𝐢𝐨 𝐝𝐞 𝐉𝐞𝐬𝐮𝐬 𝐒𝐇 husu ba benefisiáriu sira ne’ebé atu simu materiál konstrusaun no orsamentu maun de obra, atu utiliza no kuidadu didi’ak ba materiál sira ne’ebé hetan apoiu, hodi harii uma ne’ebé hetan dezastre nune’e bele asegura família moris no garantia nia kualidade atu nune’e bele dura to’o tempu ne’ebé naruk, nune’e mós orsamentu maun de obra ne’ebé fó atu sustenta família uma laran, no tenke jere ho didi’ak tuir nesesidade sira ne’ebé presiza.
Governu iha papél no responsabilidade atu fó apoiu ba nia komunidade sira ne’ebé hetan dezastre naturais, ho ida ne’e husu ba komunidade sira tenke kuidadu no fó valorizasaun ba sasán sira ne’ebé mak Governu no Estadu fó.
Oportunidade ne’e 𝐄𝐱𝐞𝐥é𝐧𝐬𝐢𝐚 Prezidente Autoridade Munisipál Lautém apela ba komunidade sira hela iha Aldeia no Suku ne’ebé hela besik fatin risku sira ba dezastre naturais hanesan tasi ninin, mota ninin, rai halai no hela besik ai-hun boot sira bele fó ameasa ba ita-nia vida, atu komesa hatene no kuida hodi harii uma no halo konstrusaun uma tenke dook husi fatin risku ba dezastre naturais liu metru 50 no 150, atu nune’e bele hadook an husi situasaun sira ne’e bele afeta ba vida.
𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢
𝗟𝗼𝘀𝗽𝗮𝗹𝗼𝘀, 𝗧𝗲𝗿𝘀𝗮-𝗳𝗲𝗶𝗿𝗮, 𝟭𝟮 𝗠𝗮𝗶𝘂 𝟮𝟬𝟮𝟲
Autoridade Munisípiu Lautém liu husi Komisaun Organizadora (KO) ba Sub- Seksaun Desportu realiza Jogu amizade entre jogador sira hodi komemora loron Restaurasaun Independensia 20 de Maiu 2026 ba dala-24, ne’ebé abertura husi reprezentante Prezidente Autoridade Munisipál Lautém, Prezidente Komisaun Organizadora (KO) Sr. Zeferino dos Santos Sequeira, iha Salaun GOR Lospalos.
Iha intervensaun, Prezidente Komisaun Oganizadora (KO) 𝗦𝗿. 𝗭𝗲𝗳𝗲𝗿𝗶𝗻𝗼 𝗱𝗼𝘀 𝗦𝗮𝗻𝘁𝗼𝘀 𝗦𝗲𝗾𝘂𝗲𝗶𝗿𝗮 hateten, atividade desportu ida ne’e atu komemora loron Restaurasaun Independensia 20 de Maiu nu’udar loron históriku ba Povu Timor-Leste espesiál Povu Munisípiu Lautém, nune’e ba atividade desportu ida ne’e iha rua jogu Futsal no Voliball atu diverte ba komunidade sira iha Munisípiu Lautém.
Aleinde ne’e husu ba jogador sira, bainhira jogu ida ne’e hala’o, la’os hanoin de’it manán, maibé oinsá atu hametin relasaun amizade entre jogadór sira, tanba kualkér jogu ida manán no ida lakon, maibé ida lakon labele provoka fali hodi kria konflitu entre jogadór sira.
Iha biban ida ne’e, Prezidente Komisaun Organizadora husu ba jogadór sira, joga bola ho responsabilidade tomak hodi kria paz, unidade no amizade atu nune’e bele fó valór di’ak ba loron historiku 20 de Maiu iha Munisípiu Lautém.
𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢
𝗟𝗼𝘀𝗽𝗮𝗹𝗼𝘀, 𝗞𝘂𝗮𝗿𝘁𝗮-𝗳𝗲𝗶𝗿𝗮, 𝟭𝟯 𝗠𝗮𝗶𝘂 𝟮𝟬𝟮𝟲
𝗘𝘅𝗰𝗲𝗹𝗲𝗻𝘀𝗶𝗮, Prezidente Autoridade Munisipál Lautém 𝗦𝗿. 𝗠é𝗹𝗶𝗼 𝗱𝗲 𝗝𝗲𝘀𝘂𝘀 𝗦𝗛 ohin dader urjente tun direta ba iha terenu hodi haree direta inundasaun ne’ebé hetan estragus ba komunidade sira nia uma, sasan no animal sira, ne’ebé kauza husi udan boot iha Suku Fuiloro Postu Administrativu Lospalos Munisípiu Lautém.
𝗘𝘅𝗰𝗲𝗹𝗲𝗻𝘀𝗶𝗮, Prezidente Autoridade Munisipál Lautém hala’o observasaun iha fatin hanesan, Ponte Sawarica, Ponte Sentru no Ponte Bee Moris.
Husi ne’e, Selensia Prezidente Autoridade Munisipal orienta kedas Autoridade Protesaun Sivil (APC) Munisípiu Lautém atu evakua ba komunidade sira ne’ebé afeita ba inundasaun ba fatin seguru.
Iha ambitu inundasaun ne’e akontese, Diresaun Servisu Protesaun Civil no Jestaun Desastre Naturais, Diresaun Servisu Munisipál Obras Públika (MOP) Munisípiu Lautém, ekipa Autoridade Protesaun Civil (APC) Munisípiu Lautém no Sentru Solidariedade Sosial Munisipiu Lautem tun ba iha terenu hodi foti dadus atu nune’e bele fornese apoiu emerjénsia hanesan aihan no la’os ai han ba familia vítima inundasaun sira.
𝙈𝙚𝙙𝙞𝙖 𝙋𝘼𝙈-𝙇𝙖𝙪𝙩𝙚𝙢
𝗟𝗼𝘀𝗽𝗮𝗹𝗼𝘀, 𝗧𝗲𝗿𝘀-𝗳𝗲𝗶𝗿𝗮, 𝟭𝟮 𝗠𝗮𝗶𝘂 𝟮𝟬𝟮𝟲
𝗘𝘅𝗰𝗲𝗹𝗲𝗻𝘀𝗶𝗮Prezidente Autoridade Munisipál Lautém 𝗦𝗿 𝗠𝗲𝗹𝗶𝗼 𝗱𝗲 𝗝𝗲𝘀𝘂𝘀 𝗦𝗛, Komandante Polísia Nasionál Timor-Leste (PNTL) Munisípiu Lautém, Superientedente Xefe Polísia 𝗔𝗻𝘁𝗼𝗻𝗶𝗼 𝗥𝗲𝗴𝗼 𝗙𝗲𝗿𝗻𝗮𝗻𝗱𝗲𝘀, Prezidente Consellu Munisipál Combatente Libertasaun Nasionál (CMCLN) Munisípiu Lautém, 𝗦𝗿. 𝗔𝘂𝗿𝗲𝗹𝗶𝗼 𝗙𝗿𝗲𝗶𝘁𝗮𝘀 𝗥𝗶𝗯𝗲𝗶𝗿𝗼 akompana ho Inan sobrevivente sira ofisialmente hala’o lansamentu Livru memória subrevivente passadu ho Titulu “𝙇𝙖𝙡𝙖𝙩𝙖𝙠 𝙣𝙤 𝙍𝙤𝙢𝙖𝙣 𝙋𝙞𝙧𝙞𝙡𝙖𝙢𝙥𝙪” iha Munisípiu Lautém, ne’ebé hala’o iha Salaun Consellu Munisipál Combatentes Libertasaun Nasionál (CMCLN) Munisípiu Lautém.
Iha intervensaun, 𝗘𝘅𝗰𝗲𝗹𝗲𝗻𝘀𝗶𝗮 Prezidente Autoridade Munisipál Lautém 𝗦𝗿 𝗠𝗲𝗹𝗶𝗼 𝗱𝗲 𝗝𝗲𝘀𝘂𝘀 𝗦𝗛 hateten, Munisípiu Lautém marka tan Historia foun ne’ebé Inan sobrevivente sira konta nia historia passadu hodi hakerek sai livru ida relasiona ba sakrifísiu no terus sira hotu durante tinan 24 ne’ebé hasoru okupasaun nian ba kauza libertasaun nasionál.
𝗘𝘅𝗰𝗲𝗹𝗲𝗻𝘀𝗶𝗮 Prezidente fó agradese ba Inan sobrevivente sira ne’ebé mai partisipa lansamentu livru, nune’e enkoraja ba Inan sobrevivente sira konvida maluk sobrevivente sira seluk atu bele konta tuir historia passadu nian labele moe no tauk, tanba historia passadu importante tebes ba jerasaun foun sira, atu nune’e jerasaun tuir mai bele banate tuir nune’e mós sai nu’udar bukae ida ba jerasaun foun sira nia moris lorloron nian.
Tanba ida ne’e hanesan lider másimu iha Munisípiu Lautém bele fó sasin ba lansamentu livru ida ne’e, tanba livru ne’e atu fó hanoin no esperansa futuru ba jerasaun sira tuir mai, nune’e mós Inan sobrevivente sira hola parte iha atividade lansamentu livru ida ne’e mós sasin no testamuna real nu’udar sobrevivente ba libertasaun nasionál nian.
Objetivu harii organizasaun Pirilampu atu luta dignidade Inan sobrevivente sira, ne’ebé uluk vitima ba tempu pasadu nian durante tinan 24, iha lansamentu livru ida ne’e entrega livru memória sobrevivente passadu hamutuk na’in 18 pessoas.
Enkuantu, Lansamentu Livru Lalatak no Roman Pirilampu ne’e hala’o husi NGO Klibur Sobrevivente Feto Pirilampu no atividade ne’e apoiu husi NGO ACbit no AJAR no Finanseiru husi GSF
𝙈𝙚𝙙𝙞𝙖 𝙋𝘼𝙈-𝙇𝙖𝙪𝙩é𝙢
𝗟𝗼𝘀𝗽𝗮𝗹𝗼𝘀, 𝗦𝗲𝗴𝘂𝗻𝗱𝗮-𝗳𝗲𝗶𝗿𝗮, 𝟭𝟭 𝗠𝗮𝗶𝘂 𝟮𝟬𝟮𝟲
𝗘𝘅𝗲𝗹é𝗻𝘀𝗶𝗮 Prezidente Autoridade Munisipál Lautém nu’udar Prezidente Konsellu Koordenasaun Munisipál (KKM), hamutuk ho membru (KKM) sira realiza sorumutu konsellu Koordenasaun Munisipál Ordinária ne’ebé ho ajenda Sesaun Ordem Traballu hamutuk rua hanesan proposta Planu Investimentu Munisipál (PIM)-2027 no Planu Asaun Annual (PAA) 2027, ne’ebé hala’o iha salaun Administrasaun Autoridade Munisipál Lautém.
Konvoka enkontru ordinária ho membru Konsellu Koordenasaun Munisipál sira hodi diskute asuntu importante sira kona-ba nesesidade komunidade sira nian, ne’ebe lista Planu Investimentu Munisipál (PIM) 2027 hamutuk 54 lista, ne’ebé aprezenta husi Asembleia Postu Administrativu (ASPA), mai iha Munisípiu, husi ne’e Munisípiu deside liu husi reuniaun Konsellu Koordenasaun Munisipál hamutuk 21 projetu mak sai nu’udar prioridade prinsipal ba PIM Munisípiu nian ba tinan 2027.
Iha intervensaun, 𝗘𝘅𝗲𝗹é𝗻𝘀𝗶𝗮, Prezidente Autoridade Munisipál Lautém 𝗦𝗿. 𝗠é𝗹𝗶𝗼 𝗱𝗲 𝗝𝗲𝘀𝘂𝘀 𝗦𝗛 hateten, reuniaun Konsellu Koordenasaun Munisipál (KKM) ba sesaun Ordem Traballu hamutuk ajenda rua ne’ebé atu diskute no aprova, atu nune’e bele submete ona ba iha Munisitériu Administrasaun Estatal (MAE).
Tuir Prezidente Konsellu Koordenasaun Munisipál katak, membru sira ne’ebé efetivu iha reuniaun ida ne’e, atu diskute ajenda rua ne’ebé importante tebes ba nesesidade komunidade sira nian mak Planu Investimentu Munisipál (PIM)-2027 no Planu Asaun Annual (PAA) 2027, nune’e husu ba Diretor/a Servisu Munisipál no Administrador Postu sira nu’udar membru KKM tenke prepara didi’ak ba Planu Investimentu Munisipál (PIM) no Planu Asaun Annual (PAA) 2027, atu nune’e fulan oin, sei diskute no defende iha Comisaun Revizaun Orsamentu (CRO) mak foin deside.
Durante Sorumutu KKM lidera husi 𝗘𝘅𝗲𝗹é𝗻𝘀𝗶𝗮 Prezidente Autoridade Munisipál Lautém, nu’udar Prezidente Konsellu Koordenasaun Munisipál (KKM) fó tempu ba Diretor Servisu Munisipál Planeamentu Investimentu Dezenvolvimentu (SMPID) 𝗦𝗿. 𝗭𝗲𝗿𝗶 𝗙𝗿𝗲𝗶𝘁𝗮, aprezenta kona-ba relatóriu verifikasaun no avaliasaun proposta PIM iha Autoridade Munisipál Lautém ba tinan 2027. Nune’e mós Diretor Ajensia Munisipál de Planeamentu 𝗦𝗿. 𝗗𝗲𝗹𝗳𝗶𝗺 𝗱𝗲 𝗝𝗲𝘀𝘂𝘀 aprezenta kona-ba proposta PAA 2027.
𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢
© 2026 Lautem Muncipality Authority
