𝗟𝗼𝘀𝗽𝗮𝗹𝗼𝘀, 𝗧𝗲𝗿𝘀𝗮-𝗳𝗲𝗶𝗿𝗮, 𝟭𝟲 𝗗𝗲𝘇𝗲𝗺𝗯𝗿𝘂 𝟮𝟬𝟮𝟱
𝗦𝘂𝗮.𝗘𝘀𝗲𝗹é𝗻𝘀𝗶𝗮, Prezidente Autoridade Munisipal Lautem, nu’udar Prezidente Konsellu Koordenasaun Munisipál (KKM), lidera sorumutu Konsellu Koordenasaun Munisipál ikus ba tinan 2025 nian hamutuk ho membru KKM sira hodi diskute no atu aprova kona-ba Ordem Traballu rua ne’ebé kompostu husi Pronunsia Nota Informativa MAE sobre Avaliasaun Kondisaun Minima no ajenda segunudu mak fô Apresiasaun no Aprovasaun ba Planu Estratéjiku Munisipál Lautém (2025-2030) sorumutu ne’e hala’o iha Salaun Administrasaun Autoridade Munisipál Lautém.
Iha Intervensaun, 𝗦𝘂𝗮.𝗘𝘀𝗲𝗹é𝗻𝘀𝗶𝗮, Prezidente Autoridade Munisipál Lautém 𝗦𝗿. 𝗠é𝗹𝗶𝗼 𝗱𝗲 𝗝𝗲𝘀𝘂𝘀 𝗦𝗛 hateten, ohin Autoridade Munisipál Lautém hala’o sorumutu Konsellu Koordenasaun Munisipál hodi diskute Ordem Traballu rua mak hanesan pronunsia Nota Informativa MAE sobre Avaliasaun Kondisaun Minima no aprejentasaun Planu Estratejiku Dezenvolvimentu Munisipál.
Lider másimu iha Munisípiu Lautém, halo apresiasaun ba Ekipa Elaborador husi Diresaun Ajensia Planeamentu hamutuk ho Servisu Munisipál sira seluk ne’ebé hala’o ona Konsultasaun Públika to’o iha nivel Postu Administrativu sira hodi hetan informasaum no dadus ba Planu Estretegico Dezenvolvimentu iha Munisípiu Lautém.
Nia dehan, prosesu elaborasaun livru hahú tama ona iha finalidade, nune’e ohin Prezidente Konsellu Koordenasaun Munisipál hamutuk ho membru KKM halo aprovasaun no apresiasaun ba Pilár hamutuk 4 hanesan Pilár Dezenvolvimentu kapital Sosial, Pilár Dezenvolvimentu Kapital Infraestrutura, Pilár Dezenvolvimentu Kapital Ekonómia no Pilár Dezenvolvimentu Enkuadramentu Institusional.
Aleinde ne’e mós Prezidente Autoridade Munisipál Lautém agradese ba ekipa sira husi Ministériu Administrasaun Estatal ne’ebé akompaña Sorumutu Konsellu Koordenasaun Munisipál ne’e to’o remata.
𝙍𝙚𝙢𝙖𝙩𝙖
𝙈𝙚𝙙𝙞𝙖 𝙋𝘼𝙈-𝙇𝙖𝙪𝙩𝙚𝙢
𝗗í𝗹𝗶, 𝗦𝗲𝗴𝘂𝗻𝗱𝗮-𝗳𝗲𝗶𝗿𝗮, 𝟭𝟱 𝗗𝗲𝘇𝗲𝗺𝗯𝗿𝘂 𝟮𝟬𝟮𝟱
𝗦𝘂𝗮.𝗘𝘀𝗲𝗹é𝗻𝘀𝗶𝗮, Prezidente Autoridade Munisipál Lautém, 𝗦𝗿. 𝗠é𝗹𝗶𝗼 𝗱𝗲 𝗝𝗲𝘀𝘂𝘀 𝗦𝗛, akompañia ho Diretor Servisu Munisipál Obras Públika no Transporte Munisípiu Lautém, 𝗦𝗿. 𝗔𝗯𝗿ã𝗼 𝗩𝗶𝗲𝗶𝗿𝗮 no Administrador Postu Administrativu Iliomar 𝗦𝗿. 𝗙𝗲𝗿𝗻𝗮𝗻𝗱𝗼 𝗖𝗮𝗿𝗱𝗼𝘀𝗼 𝗱𝗲 𝗗𝗲𝘂𝘀 partisipa serimónia pakote finansiamentu entre Banku Dezenvolvimentu Aziátiku (ADB) no Governu Timor-Leste liu husi Ministériu Finansas (MF) ho Orsamentu Valor hamutuk miliaun $78 hodi Hadia Estrada Diresaun Lospalos-Iliomar ho (km-42), nune’e mós harii ponte Boot tolu (3) no dezeña ponti rua iha diresaun Baucau-Lautém, serimónia asina pakote finansiamentu ne’e hala’o iha Salaun Ministériu Finansas, Ai Tarak Laran Díli.
Projetu ne’e nia kombina ba solusaun sira ne’ebé bazeia ba natureza no enjeñaria ne’ebé inovativu hodi proteje komunidade sira husi inundasaun no rai-halai enkuantu hadi’a konetividade.
Subvensaun millaun $3 liuhosi ADB nia Programa Parseria ba Reziliénsia Komunitária (CRPP) sei fó mós kbiit ba Suku lokál sira, atu dezeña no lidera projetu sira ne’ebé reziliente ba klima hanesan halte bis nian no sistema armazenamentu bee nian.
Subvensaun CRPP nian hetan finansiamentu hosi Ajénsia Fransa Dezenvolvimentu (AFD), Fundu Dezenvolvimentu Nórdiku (NDF), Reinu Unidu nia Gabinete Estranjeiru, Commonwealth no Dezenvolvimentu (FCDO), no Fundu Klima Verde.
𝙍𝙚𝙢𝙖𝙩𝙖
(𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢)
𝐋𝐨𝐬𝐩𝐚𝐥𝐨𝐬, 𝐒𝐞𝐱𝐭𝐚-𝐟𝐞𝐢𝐫𝐚, 𝟏𝟐 𝐃𝐞𝐳𝐞𝐦𝐛𝐫𝐮 𝟐𝟎𝟐𝟓
Sekretáriu Munisipál Planeamentu Investimentu no Dezenvolvimentu Integradu reprezenta Prezidente Autoridade Munisipál Lautém, partisipa serimónia Lansamentu Naun-Sízmiku Ipinaka Magnetotelúriku (MT) no Audio Magnetotelúriku (AMT) dahuluk iha Bloku PSC TL-OT-22-18 iha Timor Gap liu husi Rarahan Block Unipessoal, Lda, lansamentu ne’e hala’o iha Salaun Orfonatu Parókia Lospalos.
Iha intervensaun, reprezentante Prezidente Autoridade Munisipál Lautém, Sekretáriu Munisipál Planeamentu Investimentu no Dezenvolvimentu Integradu Sr. Tibursio dos Santos agradese ba Autoridade Timor Gap nian ne’ebé halo atividade Lansamentu iha Munisipiu Lautem hodi konvida Autoridade sira husi Munisípiu Baucau no Vikeke hodi partisipa atividade serimonia lansamentu importante ida ne’e.
Iha intervista, Prezidente Autoridade Nasionál Petroleu (ANP), Sr. Gualdinho do Carmo da Silva hatutan ohin mai hala’o lansa peskiza Naun-Sízmiku Magnetotelúriku (MT) no Audio Magnetotelúriku (AMT), ida ne’e komitmentu kontratual husi Timor Gap ninia subsidiáriu ida iha area kontratu Rarahana Block nian.
Prezidente ANP sublina, Implementasaun programa ne’ebé tuir sira nia kontratu fahe produsaun ho ANP, peskiza ida ne’e ho nia objetivu mak atu hatene informasaun inisiu kona-ba kondisaun subteranu iha area ida ne’e.
Iha Peskiza ne’e 154 pontus ba MT no 144 ba AMT enkuantu MT sei lori durasaun Ors 12 hodi bele hetan aquizasaun ba dadus no AMT sei lori Ors 2 no 3 hodi bele hetan dadus husi AMT, dadus rua ne’e halo kombinasaun hafoin ita bele hare hodi apoiu dadus Sízmiku nian.
Durasaun ba peskiza no Levantamentu kuaze fulan rua nia laran, ne’ebé sei hahú iha fulan Janeiru 2026, maibé antes halo lansamentu sei hala’o uluk Konsultasaun Públiku ba Komunidade sira iha Munisípiu tolu kompostu husi Munisípiu Viqueque iha Postu Administrativu Uatu-Carabau, Munisípiu Baucau Postu Administrativu Baguia no Laga Munisípiu Lautém Postu 6 hotu.
Entretantu, partisipa iha serimónia ne’e Sekretáriu Estadu Floresta (SEF), reprezentante Prezidente Autoridade Munisipál Lautém, Vikeke no Baucau,
Prezidente Timor GAP, Diretor Ezekutivu Rarahana Block Unipessoal Lda, Komandu PNTL Munisípiu Lautém, Baucau no Viqueque, reprezentante Prezidente CMCLN Munisípiu Lautém, Administrdor Postu Uatu-Carabau, Baguia, Laga no Administrador Postu 6 iha Munisípiu Lautém Xefe Suku sira husi Munisípiu, Lautém, Baucau no Vikeke, Diretor/a Servisu Munisipál no Delegasaun Teritorial sira no entidade sira husi Munisípiu Lautém.
Remata
(Média PAM-Lautém)
𝗗í𝗹𝗶, 𝗦𝗲𝘅𝘁𝗮-𝗳𝗲𝗶𝗿𝗮, 𝟭𝟮 𝗗𝗲𝘇𝗲𝗺𝗯𝗿𝘂 𝟮𝟬𝟮𝟱
𝗦𝘂𝗮.𝗘𝘀𝗲𝗹é𝗻𝘀𝗶𝗮, Prezidente Autoridade Munisipál Lautém 𝗦𝗿. 𝗠é𝗹𝗶𝗼 𝗱𝗲 𝗝𝗲𝘀𝘂𝘀 𝗦𝗛 partisipa atividade Serimónia atribuisaun prémiu no sertifikadu ba Artista Munisípiu Lautém ne’ebé nu’udar manan na’in ba Quarta klasifikasaun ba konkursu Arte Públika Konstrusaun da paz ne’ebé realiza husi Gabinete Presidente da Repúblika ne’ebé hala’o iha Palásiu Prezidensiál Bairu-Pite Díli.
Konkursu nasionál, inisiativa husi Prezidénsia Repúblika liuhusi Arte & Kultura no Apoiu ba Edukasaun, ho apoiu tékniku hosi Sekretaria Estadu Arte no Kultura (SEAC), envolve artista sira hosi Munisípiu hotu-hotu. Partisipante sira hetan knaar atu kria arte públika ne’ebé sai hanesan veíkulu ba espresaun koletiva no símbolu identidade kulturál, nune’e hametin koezaun sosiál no sidadania ativu iha aliñamentu ho valór sira ASEAN nian.
Programa Arte Públika refere finansial husi Prezidensial da Republika no apoiu Instituisionál no Koordenasaun husi Sekretáriu Estadu Arte no Kultura (SEAK).
Enkuantu manan na’in ba konkursu “𝙃𝙖𝙧𝙞’𝙞 𝙋á𝙨 𝙡𝙞𝙪 𝙝𝙪𝙨𝙞 𝘼𝙧𝙩𝙚 𝙋𝙪𝙗𝙡𝙞𝙠𝙖” mak hanesan tuir mai ne’e: 1º Lugar husi Munisípiu Díli ho valor Orsamentu hamutuk ($1.500): 2º Lugar husi Munisípiu Liquiça ho valorOrsamentuhamutuk ($1.000): 3º Lugar husi Munisípiu Manufahi ho valor Orsamentu hamutuk ($800): no 4º Lugar husi Munisípiu Lautém ho valor Orsamentuhamutuk ($600).
𝙍𝙚𝙢𝙖𝙩𝙖
𝙈e𝙙𝙞𝙖 𝙋𝘼𝙈-𝙇𝙖𝙪𝙩e𝙢
𝐈𝐥𝐢𝐨𝐦𝐚𝐫, 𝐊𝐮𝐚𝐫𝐭𝐚-𝐟𝐞𝐢𝐫𝐚, 𝟏𝟎 𝐃𝐞𝐳𝐞𝐦𝐛𝐫𝐮 𝟐𝟎𝟐𝟓
Komissaun Nasionál Eleisoens (CNE) realiza atividade Edukasaun Cívika ho tema “Promove Partisipasaun Inkluzivu Ba Eleisaun Munisipál Iha Estadu Diretu Demokrátiku” ho objetivu atu partilha infomasaun sobre lei no prosesu ba preparasaun Eleisaun Kamara Munisipál no Poder Lokál nian ba komunidade sira iha Postu Administrativu Iliomar Suku Caenliu, hodi prepara no partisipa ba iha Eleisaun Demokratiku ne’ebé tuir planu sei realiza iha 2027, Edukasaun Civika ne’e hala’o iha Sede Suku Caenliu, Postu Administrativu Iliomar, Munisípiu Lautém.
Iha intervensaun, reprezentante Prezidente Autoridade Munisipál Lautém, Sekretáriu Munisipál Asuntu Administrasaun no Finansas, Sr. Francisco dos Santos hateten, CNE nu’udar orgaun ida ne’ebé Eleitoral ho nia kn’ar ba fiskalizasaun atu hato’o Edukasaun Sivika ba Votante sira hotu.
Tuir konstituisaun no Lei fó kompetensia ba Komisaun Nasionál Eleisaun hodi hala’o esklaresimentu kona-ba Edukasaun Sivika nian ba Komunidade sira iha teritoriu Timor laran tomak espesial iha Munisípiu Lautém ne’ebé organiza husi Komisaun Nasionál Eleisoens.
Edukasaun Civika iha Suku Caenliu ida ne’e ho prezensa husi Prezidente CNE, reprezentante Prezidente Autoridade Munisipal Lautém, Comisáriu destakadu Munisípiu Lautém, Administrador Postu Administrativu Iliomar, Komandante Eskuadra Polísia Nasional Timor-Leste (PNTL) Postu Iliomar, Veterano/a sira no Komunidade sira.
Remata
(Média PAM-Lautém)
Lospalos, Kuarta-feira, 10 Dezembru 2025
Ministériu Administrasaun Estatal (MAE), liu husi ekipa Elaborador sira hala’o vizita ofisial ida mai iha Autoridade Munisipál Lautém liu husi Diresaun Servisu Ajensia Planeamentu kona-ba Elaborasaun Planu Estratejiku Dezenvolvimentu Munisipál 2025-2030 nian ba Munisípiu Lautém, enkontru ne’e hala’o iha aula enkontru Sekretariadu Munisipál Asuntu Planeamentu Investimentu Desenvolvimentu Intergradu.
Durante iha enkontru lidera husi Sekretáriu Munisipál Planeamentu Investimentu no Dezenvolvimentu Integradu nu’udar Koordenador ba Planu Estratejiku Dezenvolvimentu Munisipál 2025-2030 nian iha Munisípiu Lautém.
Iha intervista Diretor Servisu Ajensia Planeamentu Sr. Delfim de Jesus hateten, Ajensia Planeamentu hetan vizita husi ekipa Nasionál mai iha Administrasaun Autoridade Munisipál Lautém
Diretor Servisu Ajensia Planeamentu esplika, durante iha enkontru foka liu ba asuntu rua ne’ebé ligadu ba atividade refere, primeiru mak ko’alia kona-ba matrizes ne’ebé durante ne’e prienxe, ho nune’e ekipa Nasionál Elaborador sira hare filafali atu bele ajusta tan buat balun ne’ebé relasiona ho situasaun real atual nian ne’ebé tuir Lei no.84 no 34 nian.
Nia dehan, asuntu segundu mak ko’alia liu kona-ba Progressu Munisípiu Lautém iha ámbitu Elaborasaun Planu Dezenvolvimentu Munisipál, aleinde ne’e mós ekipa sira husi nasionál apresia Servisu Munisipál sira, tamba maske tarde maibé iha progresu ne’ebé di’ak.
Iha oportunidade ne’e Diretor Servisu Ajensia Planeamentu hateten, ita nia planu Estratéjiku nia progressu ne’e tama ona iha kapítulu 4 nian finaliza ona no komesa aban konklui ona kapítulu 5 nian, nune’e Autoridade Munisipál Lautém bele submete iha nasionál ba Sekretáriu Estadu Dezenvolvimentu Lokál (SEDL) iha loron 15 Dezembru 2025.
Remata
(Média PAM-Lautém)
𝗗í𝗹𝗶, 𝗧𝗲𝗿𝘀𝗮-𝗳𝗲𝗶𝗿𝗮, 𝟵 𝗗𝗲𝘇𝗲𝗺𝗯𝗿𝘂 𝟮𝟬𝟮𝟱
𝗦𝘂𝗮. 𝗘𝘀𝗲𝗹é𝗻𝘀𝗶𝗮 Prezidente Autoridade Munisipál Lautém, 𝗦𝗿. 𝗠é𝗹𝗶𝗼 𝗱𝗲 𝗝𝗲𝘀𝘂𝘀 𝗦𝗛, Partisipa Enkontru Grupu Traballu ho Liña-Ministeriál sira hamutuk ho Sekretaria Estadu Igualdade (SEI) kona-bá Programa Prioridade Governu nian ba Promove Igualdade iha Tinan 2025 no aprezenta kona-bá Progresu no Dezafius husi Implementasaun Polítika Igualdade Jéneru nian iha kada Autoridade Munisípiu no iha kada Ministériu durante períodu tinan 2025.
Enkontru Grupu Traballu ne’e organiza husi Sekretaria Estadu ba Igualdade (SEI) ne’ebé hala’o Salaun Maria Gurrete Kaikoli Díli.
𝙍𝙚𝙢𝙖𝙩𝙖
𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢
𝗟𝗼𝘀𝗽𝗮𝗹𝗼𝘀, 𝗧𝗲𝗿𝘀𝗮-𝗳𝗲𝗶𝗿𝗮, 𝟵 𝗗𝗲𝘇𝗲𝗺𝗯𝗿𝘂 𝟮𝟬𝟮𝟱
Autoridade Munisípál Lautém liu husi Diresaun Servisu Munisipál Protesaun Sivil no Jestaun Dezastre Naturais organiza enkontru regular iha trimestre 4° ba tinan 2025 ho membru Konsellu Munisipál Protesaun Sivil sira, hodi nune’e Diresaun Servisu Munisipál no Komisaun Jestaun Desastre Naturais, Diresaun Delegasaun Territorial sira ne’ebé tutela iha Konsellu Munisipál Protesaun Sivil hodi aprezenta Progressu no Dezafiu sira ne’ebé durante tinan 2025 enfrenta iha terenu, enkontru regular ne’e hala’o iha Salaun Postu Lospalos.
Iha intervensaun, reprezentante Prezidente Autoridade Munisipál Lautém, Sekretáriu Munisipál Assuntu Sosiais no Organizasaun Komunitária (ASOK) 𝗦𝗿. 𝗭𝗲𝗳𝗲𝗿𝗶𝗻𝗼 𝗱𝗼𝘀 𝗦𝗮𝗻𝘁𝗼𝘀 𝗦𝗲𝗾𝘂𝗲𝗶𝗿𝗮 hateten, enkontru Regular ida ne’e siknifika membru Konsellu Munisipál Protesaun Sivil hatene hotu, ho nune’e iha ona dadus hodi aprezenta progresu kona-ba preokupasaun no Dezafiu, kada tinan aprezenta nafatin bainhira mosu Dezastre ruma no ita enfrenta problema kona-ba Rekursu.
Tamba ida ne’e kria Konsellu Munisipál Protesaun Sivil atu oinsa ita bele hamutuk hodi rezolve Servisu Progresu no Dezafiu sira
Reprezentante ne’e fundamenta enkontru regular ida ne’e hanesan razaun klasiku ona ne’ebé ita hotu hatene ekipamentu laiha, agora oinsa ekipamentu ne’e iha, ho ida ne’e kada Diresaun Servisu Munisipál tenke halo ninia planu rasik.
Nia esplika, Servisu Munisipál Protesaun Sivil no Jestaun Dezastre Naturais ita hamutuk iha fatin ida ne’e hodi hato’o ba malu relasiona ho progresu servisu ne’ebé ita asume durante tinan ida nia laran, maske ita halo enkontru regular ba dala III ida ne’e ba ikus nian iha tinan 2025.
Enkuantu Diresaun Servisu Munisipál sira ne’ebé atu halo aprezentasaun Progresu no Dezafiu Servisu Janeiru to’o Dezembru 2025 mak Diresaun Servisu Munisipál Edukasaun Munisípiu Lautém, Komandante Operasional, Autoridade Protesaun Sivil (APC) Munisípiu Lautém, Serivsu Munisipál Promosaun Inklusaun Sosial no Servisu Munisipál Saúde Munisípiu Lautém.
𝙍𝙚𝙢𝙖𝙩𝙖
(𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢)
𝗕𝗮𝘂𝗰𝗮𝘂, 𝗦𝗲𝘅𝘁𝗮-𝗳𝗲𝗶𝗿𝗮, 𝟱 𝗗𝗲𝘇𝗲𝗺𝗯𝗿𝘂 𝟮𝟬𝟮𝟱
𝗦𝘂𝗮.𝗘𝘀𝗲𝗹é𝗻𝘀𝗶𝗮, Prezidente Autoridade Munisípál Lautém 𝗦𝗿. 𝗠é𝗹𝗶𝗼 𝗱𝗲 𝗝𝗲𝘀𝘂𝘀 𝗦𝗛, partisipa Serimónia Komemorasaun loron Aniversáriu Komponente Terrestre FALINTIL-FORCA DEFESA DE TIMOR-LESTE ba dala XXIII iha Quartel Komponente Terestre, BAUCAU.
𝙍𝙚𝙢𝙖𝙩𝙖
𝙈é𝙙𝙞𝙖 𝙋𝘼𝙈-𝙇𝙖𝙪𝙩é𝙢
𝗟𝗼𝘀𝗽𝗮𝗹𝗼𝘀, 𝗞𝘂𝗮𝗿𝘁𝗮-𝗳𝗲𝗶𝗿𝗮, 𝟯 𝗗𝗲𝘇𝗲𝗺𝗯𝗿𝘂 𝟮𝟬𝟮𝟱
Eskola Pre-Eskolar Ira-Ara Lospalos, realiza Serimónia Graduasaun ba dala X, ba Estudante sira hamutuk na’in 55, ne’ebé ho tema ba Graduasaun ne’e mak “𝙀𝙨𝙠𝙤𝙡𝙖 𝙋𝙧𝙚-𝙀𝙨𝙠𝙤𝙡𝙖𝙧 (𝙀𝙋𝙀) 𝙡𝙞𝙪 𝙝𝙪𝙨𝙞 𝙃𝙖𝙡𝙞𝙢𝙖𝙧”, Estudante hirak ne’e tuir prosesu aprendizajen durante tinan ida, hodi prepara kontinua sira nia estudu iha Ensinu Báziku Primeiru Ano, tamba Pre-Eskolar mak sai baze ba dezenvolvimentu kapasidade no mentalidade ba estudante sira, enkuantu Graduasaun ne’e husi Prezidente Autoridade Munisipál Lautém, Diretor Servisu Munisipál Edukasaun Munisípiu Lautém mak fó Gradua ba estudante sira ne’ebé hala’o iha area dores Eskola Pre-Eskolar Ira-Ara Lospalos.
Iha Intervensaun, 𝗦𝘂𝗮.𝗘𝘀𝗲𝗹é𝗻𝘀𝗶𝗮, Prezidente Autoridade Munisipál Lautém, 𝗦𝗿. 𝗠é𝗹𝗶𝗼 𝗱𝗲 𝗝𝗲𝘀𝘂𝘀 𝗦𝗛, enkoraja ba Inan Aman estudante sira atu dudu nafatin oan sira ne’ebé ho idad 3’4 no 5 hodi mai iha Eskola Pre-Eskolar Ira-Ara no Eskola Pre-Eskolar sira seluk, tamba estudante sira mak futuru sei kaer nasaun no Povu nia destinu.
Tamba Estudante ne’e mak jerasaun kontinuador hodi hatutan mehi ita nia Heroi sira nian, katak atu Liberta ita nia rai ba Independente no hakarak mos atu Liberta ita nia Povu ba moris di’ak liu husi jerasaun kontinuador sira ne’ebé asesu hela Edukasaun.
Prezidente Autoridade Munisipál Lautém iha esperansa ba estudante sira hamutuk na’in 55 ne’e futuru sei asumi kargu ruma, tamba ida ne’e mak husu ba Inan Aman sira hotu atu apoiu, Dudu no Enkoraja nafatin ba Estudante sira lori sira nafatin hakbesik iha Edukasaun.
Prezidente Autoridade Munisipál Lautém mós fó agradese ba Professor/a sira nia dedikasaun tomak, Pasiensia no Vontade nafatin hodi hanorin estudante sira ne’ebé atu simu Graduasaun, nune’e mós tinan oin sei simu nafatin estudante foun.
𝙍𝙚𝙢𝙖𝙩𝙖
(𝙈é𝙙𝙞𝙖 𝙋𝘼𝙖𝙢-𝙇𝙖𝙪𝙩é𝙢)
© 2025 Lautem Muncipality Authority
