Servisu Munisipal Agrikultura | Autoridade Munisipal Lautém

PROFILE

SERVISU MUNISIPAL AGRIKULTURA MUNISIPIU LAUTEM

Albertino Jerónimo

Pozisaun: Diretor

Nu. Kontaktu: (+670) 78736205

Email: jeronimoalbertino3@gmail.com

Historia

Husi fulan Outubru 1999 to’o fulan Janeiro de 2002 iha momentu hanesan UNAMET Agricultura iha Distritu bolu naran Seksaun Agricultura (Agriculture Section) ne’ebe Administrativamente iha administrasaun Distritu nia okos. Seksaun ki’ik oan ne’e ema nain Rua (2) de’it mak hala’o servisu hodi atende administrasaun nian no aktividade iha terenu. Servisu ne’e hotu – hotu konsentradu iha fatin ida bolu naran District Administration.

Iha Tinan 2002 to’o 2006 nia laran hanesan hahu husi 1^oto’o 3^o Guverno Konstitusional Ministerio ida ne’e hanaran Ministerio da Agricultura Floresta e Pescas (MAFP) ne’ebe iha nivel Distrito hetan nomeasaun ema ida ba pozisaun Koordenador Agricultura Distritu ne’ebe ledera nia estaf / hamutuk nain Hitu (7) ne’ebe ida – idak responsabiliza iha Seksaun Lima (5) hanesan Seksaun Floresta, Produsaun Alimentar, Pecuaria, Pescas, no irrigasaun.

Iha Tinan 2007 depois de 4^o Governo Constitusional RDTL, Ministrerio ida ne’e hanesan Ministerio Agricultura e Pescas tuir Dekreto Lei No. 7 / 2007, Loron 5 Setembru ho naran MAP hodi substitui MAFP. Liu husi politika Sua Ex^cia Ministro MAP nian no tuir Dekreto Lei No. 18/ 2008 hamosu Diresaun ne’ebe konsideradu hanesan Diresaun Distritu ne’ebe lidera husi Director Distritu no hetan apoio husi Xefi Departamentos Tolu (3) no Seksoens teknikas sanolu Resin Tolu (13 ) iha nivel Distritu to’o Sub Distritu ho total Funsionariu hamutuk 123 Pessoas.

Husi fulan Agosto 2008 mudansa estrutura sai Diresaun Servisu Agrikultura Municipio ho nia estrutura Director, Dept Administrasaun, Dept. Produsaun Alimentar, Dept. Extensaun Agrikola no Dept. Pecuario e Veternaria iha VI Governu. Iha tinan 2014 too iha 2024 iha ona mudansa Diresaun Servisu Agricultura (DSA) tuir Dekretu Lei Nú. 84/2023 loron 23 fulan Novembru nian nudar baze legál ba kompeténsia no funsaun ba autoridade munisipál sira hanesan Servisu Municipal Agricultura Municipio Lautem iha Director ida no Xefe Departamentu Programa Extensaun Agricola no Departamentu Pecuaria e Veterinaria no deskreve tuir kompetensia iha Artigu 12, DL. 34/2025 kona-baCompetencias no dominio da agricultura (22 kompetensias) no Artigu 40-43, DM. 85/2023 kona-baMisaun, tarefas no organika SMA (21 Tarefas).

Introdusaun

Hanesan ita hotu hatene katak objektivo dezenvolvimentu Nacional atu valoriza moris diak ba povu tomak iha vida material no spiritual. Atu atinji objetivu dezenvolvimentu Nasional ne’e, husi V to’o IX Governo Konstitusional fo prioridade ba seitor Saude, Edukasaun no Agrikultura. Seitor agrikultura iha orientasaun husi Ministro Agrikultura Pecuaria, Pescas e Floresta atu halo plano no implementa tuir area potensialidade iha Municipiu ida-ida.

Realidade husi dezenvolvimentu nasional parte Agricultura ne’ebe oras ne’e la’o dadaun mak Ministro Agrikultura Pecuaria, Pescas e Floresta defini politika parte teknika no administrativa Ministro Agrikultura Pecuaria, Pescas e Floresta no fo orientasaun ba Servisu Municipal Agricultura no NGO Internasional sira ne’ebe involve iha seitor agricultura atu promove nafatin agrikultores iha terreno hodi hasa’e produsaun/porduktivedade, kria kampu de servisu no hasae rendimentu agrikultores.

Servisu Municipal Agricultura nu’udar diresaun tekniko ne’ebe kobre 5 Posto Administrativu 5 Suco 34 no Aldeia 151 iha Municipio Lautem, liu husi Departamentu Programa Extensaun Agrikola no Dpartamnetu Pecuaria e Veterinaria kolabora hamutuk ho Parseiru Dezenvolvimentu NGO Internasional no ONG Nacional ho esforsu atu identifika area potensial, halo plano no implementa, hodi ajuda agrikultores sira atu bele hasa’e kuantidade no kualidade produtu Agricola hodi bele hasa’e rendimentu agrikultores.

Servisu Municipal Agrikultura nudar servisu tekniku ida ne’ebe administrativamente tutela direita Autoridade Municipal Lautem nia tuir lei hatur ona. No servisu tekniku balun sei direitamente tuir orientasaun direita husi Ministrerio Agricultura Pecuara Pesca e Floresta Nacional atu bele dezenvolve politika dezenvolvimentu agricultura hodi hasae produsaun no produtividade aihan rai laran nian liu – liu iha municipio lautem atu bele hakbesik aan ba agricultor sira hodi fo nafatin assitensia tekniku ho modern atu bele produs aihan ho kualidade no nutritivu. Servisu municipal halao atividades tuir programa sub programa no atividade ne’e organizadu husi sistema dalan ba future Timor Leste.

Baze Legal

Bazeia ba Dekretu Lei no. 84/2023, de Novembro Prosede 5 alterasaun DL no 3/2016 de Marsu sobre estatutu Administrasaun municipais autoridade municipio no grupo tekniku intterministerial desentralizasaun administartiva. No Diploma Ministerial no 85/2023, 29 Dezembru. Diresaun Serviço Municipal Agricultura Municipio Lautem tutela ba Administrasaun Municipiu Lautem. ho nia Departemento 2 (rua) mak hanesan Departementu Programa Extensaun e Agricola no Departementu Pecuaria e Veternaria.

Diploma Ministerial no 86/2023 29 de Dezembru institui konkretu administrasaun posto administrativus aprova de nomensaun no tarefa servisu local iha Posto Administrativu 6 Suco 34 no Aldeia 151.

Posto Administrativo Lautem : Kompostu husi suku 10 aldeia 46
Posto Administrativo Luro : kompostu husi suku 6 no Aldeia 21
Posto Administrativo Tutuala : Kompostu husi suku 2 no Aldeia 7
Posto Administrativo Lospalos : kompostu husi suku 8 no Aldeia 43
Posto Administrativo Lore : kompostu husi Suku 2 no Aldeia 9
Posto Administrativo Iliomar : Kompostu husi Suco no Aldeia 25