ADMINISTRASAUN MUNISÍPIU LAUTÉM REALIZA SEMINÁRIU MUNISIPÁL HO TEMA “OBSTÁKULU NO OPORTUNIDADE IHA ÁMBITU PREPARATIVUS BA FUTURU PODÉR LOKAL”

Lospalos, Sexta-Feira, 25 Agostu 2023

Semináriu Munisipal iha ámbitu Komemorasaun Konsulta Popular 30 de Agostu tinan ida ne’e, nu’udár Préparativu ida ba Futuru Desentralizasaun Munisípiu Lautém nian, ne’ebé konvida intelektual/Péritus sira fahe koñesimentu klean iha área Administrasaun Públika, Ekonómia no Polítika Govermental iha Salaun Orfonato Dom Bosco Lospalos, Munisípiu Lautém.

Administrador Munisipiu Lautém Sr. Domingos Sávio, M.Si, hateten, semináriu Munisipál iha ámbitu komemorasaun loron Konsulta Popular 30 Agostu 2023, hamosu inisiativa ida hodi komemora loron refere, atu halibur Lautém-Oan sira atu fo ideias no nonhesimentu sira kona-bá “ Obstákulu, Dezafiu no Oportunidade iha ámbitu implementasaun podér lokal hosi prespetiva ekonómika, sosial, kultural no polítika”. Atu rona pontu de vista/perspetiva hosi komponente oi-oin, atu bele partilla informasaun sira relevante ho progresu prearativus no alkansu prinsipais sira faze tranzisaun bá podér lokal nune’e mos obstakulu no dezafiu sira balun ne’ebe mak autoridade munisipiu infrenta.

Iha semináriu munisipal nee orador sira fahe koñesimentu no matenek kona-ba -“Analiza Dezenvolvimentu Potensialidade Setor Agrikultura no Pekuaria ba Ekonomia Munisipiu Lautém iha Ámbitu Desentralizasaun” hanesan Prosesu no Estratejia Politika Autonomizasaun Gradual ba Estabelesimentu Poder Lokal, Reflesaun – Vizaun ukum rasik-an no Dezafiu liga ho Prosesu Dezenvolvimentu rai laran, Jestaun Rekursu Umanu iha Ámbitu Poder Lokal Hare Hosi Perspetiva Administrasaun Públika no Analiza ba Potensialidade Setor Turismu ba Ekonomia Munisipiu Lautém iha Ámbitu Desentralizasaun.

Administrador akresenta, Governu Timor-Leste hahú kedas iha tinan 2016, ho baze dekretu lei númeru 3/2016 halo ona atribuisaun no fo kompeténsia ba Autoridade Munisipal no Administrasaun Munisipal sira, atu halo planu no implementa rasik programa no atividade sira tuir dominu servisu nian, konforme dekretu Lei Nú. 3/2016, ne’ebé altera ba da 4 no dekretu lei Nú. 44/2022 28 de dezembro, ne’eduni iha prosesu implementasaun dezentralizasaun, dau-dau ne’e iha faze deskonsentrasaun administrativa territoriál. Husi preparativu sira nee nota katak, ita hahú dau-daun ona ba estabelesimentu poder lokál, husi aspetu legal sira sai baze fundamental ba implementasaun polítika dezentralizasaun no poder lokál, husi Lei Nú. 23/2021, 10 de Novembro Lei poder lokal no ba dezentralizasaun Administrasaun, Lei Nú. 22/2021 4 de Novembro, Lei eleitoral Munisipal no Lei Nú. 16/2023 Lei finansas Munisipal, no enkuadramentu legal relevante sira seluk.

Seminariu Munisipal nee partisipa maximu husi entidades relevante sira hanesan Autoridade Lokál, Lider Komunitária, Intelektual lautém oan, sosiedade sivil, Veteranus, Asosiasaun Feto no Ema ho Defisensia, Konfisoes Relijioza no Juventude sira.